Daxili İşlər Nazirliyi narkocinayətə qarşı mübarizədə vətəndaşlardan kömək istəyir

Bakı/24.07.23/Turan: Mirzə Davud küçəsinin və "8 noyabr" prospektinin, eləcə də Bakının Xətai rayonundakı digər küçələrin sakinləri qanunsuz narkotik vasitələrin satıldığı və istifadə edildiyi şəhər məhəlləsinin mərkəzinə düşüblər. Qaranlığın və gecənin düşməsiylə  əraziyə içərisində narkotik maddə satıcıları və alıcılarının olduğu avtomobillər gəlib, səhər uşaqlar yollarda istifadə olunmuş şprislər tapıblar. Evlərin divarlarında narkotik maddələrin satış ünvanlarını göstərən yazılar görünüb. Digər yazıların müəllifləri bu bəlanı yayanları lənətləyiblər.

Sakinlər qaranlıqda küçələrə çıxmaqdan qorxublar, uşaqları həyətə buraxmayıblar, yol yoluxucu şprislərlə dolu olduğundan məktəbə və geriyə qədər uşaqları müşayiət ediblər. Valideynlər uşaqların gələcəyinə görə narahatdırlar, üstəlik, narkotik maddə cinayətkarları arasında həmin rayonun sakinləri var.

Bu yaxınlarda bakılılar baş verənlər barədə videobloger Nail Kəmərliyə bildiriblər. O, videosüjet çəkib sosial şəbəkədə paylaşıb. Xətai rayon polisi müdaxilə edib, keçirilmiş reyd nəticəsində bir qadın da daxil olmaqla, 7 nəfər saxlanılıb. Daha sonra sakinlər videobloqda bildiriblər ki, polis ərazidə adları məlum olan narkotik maddə satıcılarını saxlayıb, lakin vətəndaşlar bu adlarını açıqlamaq istəmirlər.

"Biz narkomanların öhdəsindən özümüz də gələ bilərdik, onları buradan qova bilərdik. Ancaq bilirik ki, zorakılığa görə polis tərəfindən həbs olunacağıq. Odur ki, rayon sakinləri dövlətdən narkotik maddə yayanların ocaqlarını məvh etməyi, məhəllədə gecə işıqlandırma sistemi və narkomaniyanın inkişafə şəraitinin aradan qaldırılması üçün müşahidə kameraları quraşdırmağı xahiş edirlər", - "Fəhlə prospekti" videosüjetində kişilər deyiblər.

Fotonu buradan götürmək olar:

https://www.youtube.com/watch?v=wj-VDlxK7pc

Süjetin müəllifi, bloger Nail Kəmərli Turan ilə ünsiyyətdə olub aşağıdakı sualı cavablandırmaq istəmədi: Niyə Xətai rayon polisi sosial şəbəkədə videosüjet yayılmadan öncə həmin məhəllədə yaranmış ağır vəziyyətə reaksiya verməyib?

Turan-ın həmin sualına Daxili İşlər Nazirliyinin ictimaiyyətlə əlaqələr şöbəsinin rəisi Elşad Hacıyev cavab verib. O deyib ki, sözügedən videosüjetdən əvvəl rayon sakinləri narkomanlar və narkotik maddə alverçilərilə bağlı Daxili İşlər Nazirliyinə şikayət etməyiblər. Bunu nazirlikdə aparılan araşdırma göstərib.

"Polis vətəndaşlardan bütün cinayət hadisələrini bildirmələrini xahiş edir. Məlumat verənlərin adlarını açıqlamırıq, bilirik ki, adamlar bunu istəmirlər, sonradan çağırış əsasında məhkəməyə getmək istəmirlər. Polis hesabatlarda yazır ki, reyd hadisə yerindən gələn siqnal əsasında aparılıb.

İctimai dəstək olmadan polisin narkocinayətlərlə mübarizə aparması çətindir. Avropa ictimai şüurluluq  səviyyəsinə çatmaq lazımdır, orada hər bir vətəndaş özünü uniformasız polis kimi aparır, istənilən pozuntu barədə məlumat verir", - Hacıyev Turan-a bildirib.

Onun sözlərinə görə, azərbaycanlıların vətəndaş şüurluluğu getdikcə artır. Bu il cinayətlərin 70 faizi   vətəndaşların məlumatına görə müəyyən edilib. Eyni zamanda, narkoloji xarakterli cinayət də artır. Daxili İşlər Nazirliyinin saytında deyilir ki, bu il (6 ayda) qanunsuz dövriyyədən 2 ton 921 kiloqram narkotik maddə çıxarılıb. Bu, 2022-ci ildəki dövrdə olduğundan 946 kiloqram çoxdur.

İctimai fəallıq artır, amma lazımi səviyyədə deyil. Hacıyev deyib ki,  narkomaniya xəstələri olan uşaqların valideynləri bu vəziyyəti polisə bildirmir, uşaq doza almaq üçün ev əşyaları satanda susurlar. Polis gənc narkomanın qonşuların evinə girdiyini qonşulardan öyrənir. Amma gecdir, xəstəlik inkişaf edib, gec mərhələdə narkomaniyanı müalicə etmək çox çətindir.

"Valideynlər xəstə uşaq barədə dərhal, narkoman özünü yeni göstərməyə başladığında məlumat verdikdə, onu ixtisaslaşmış  müalicə müəssisəsinə yerləşdiririk və uşaq müalicə olunur. Sonra bu uşağa gizli nəzarət edirik. Vətəndaşların şüurluluğu sayəsində polis yeni cinayətlərin və ağır xəstəliyin təkrarlanmasının qarşısını alır", -  Elşad Hacıyev deyib.