![Daxili orqanlarda 380 qram heroin](https://turan.az/resized/media/2018/main/112300015012-750-500-resize.webp)
Daxili orqanlarda 380 qram heroin
Bakı/23.11.18/Turan: Noyabrın 19-da "Biləsuvar" dövlət sərhədindən buraxılış məntəqəsində İran vətəndaşları Zahareh Chin Yavər Chaparın və Ghahremani Moglanlov Mehdi saxlanılıb. Bu şəxslərin üzərinə sərhəd və gömrük baxışı keçirilib, hər iki İran vətəndaşının daxili orqanlarında ümumilikdə 380 qram heroin aşkarlanıb. Bu barədə Dövlət Sərhəd Xidmətinin (DSX) noyabrın 23-də yaydığı məlumatada deyilir.
Mənbənin məlumatına görə, noyabrın 20-də həyata keçirilmiş əməliyyat-qoşun tədbirləri nəticəsində DSX-nin "Göytəpə" sərhəd dəstəsinin xidməti ərazisi olan Yardımlı rayonu Qaravuldaş kəndinin yaxınlığında yerləşən sərhəd zastavası sahəsində sahibi olmayan 1 ədəd bağlamada 990 ədəd "Metadon" psixotrop həb, 655 qram marixuanaya və 505 qram prekursora bənzər maddə aşkar edilərək götürülüb.
Hər iki fakt üzrə zəruri əməliyyat-istintaq tədbirlərinin davam etdiyi bildirlir. -05D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz