Bakı/04.02.20/Turan: Növbədənkənar parlament seçkiləri günü – 9 fevral yaxınlaşdıqca deputatlığa namizədlərə qanunsuz təzyiq və hakim partiyanı təmsil etməyən namizədlərin təşviqat prosesinə müdaxiləsi ilə bağlı cəmiyyətə məlum faktların sayı artır.
Bu yaxınlarda deputatlığa namizəd, bloger Mehman Hüseynov seçkilərdəki rəqibi Fərəc Quliyev tərəfindən ələ alınma cəhdi barədə bildirib. M.Hüseynov hakimiyyəti F.Quliyevi öz seçki kampaniyasını davam etdirmək imkanlarından məhrum etməyə çağırır.
21 saylı Nəsimi seçki dairəsindən deputatlığa namizədlərin siyahısında REAL müxalifət partiyasının nümayəndəsi Fərhad Mehdiyevin adının qarşısında onun rəqibi, müstəqil namizəd Elsever Mehdiyevin adı var. REAL hesab edir ki, bunu qəsdən belə ediblər ki, Fərhad Mehdiyevə səs verməyə gələnlər səsvermə bülletenində səhvən başqa Mehdiyevi işarələsinlər.
Bu qəbildən son hadisə 42 saylı Sumqayıt ikinci seçki dairəsindən deputatlığa namizəd Elçin Məmməd tərəfindən KİV-ə çatdırılıb. Bir müsahibə səbəbindən Yukselis.info xəbər portalına giriş dayandırılıb. E.Məmməd bildirir ki, idarə etdiyi saya haker hücumu olub.
Portala girişin bağlanması Elçin Məmmədin təbliğat kampaniyasını əngəlləməyin tərkib hissəsi olub. O, qalib gələcəyi təqdirdə hüquq-mühafizə orqanlarında islahatlar aparılacağını vəd edir. E.Məmməd müsahibədə hüquqi nihilizm, özbaşınalıq və parlamentin passivliyi haqda danışıb. Deputatlığa namizəd öz kampaniyasında korrupsiyanın aradan qaldırılması, müstəqil məhkəmə sisteminin qurulması, insan hüquqlarının təmin edilməsi, işgəncələrə son qoyulması, vətəndaş cəmiyyətinin inkişafı, Ermənistan-Azərbaycan münaqişəsinin həlli və bu proseslərdə Milli Məclisin rolunun artırılmasının vacibliyindən danışır.
Elçin Məmməd seçicilərlə görüşlərdə sadalanan problemlərin həlli üçün yeni qanunvericilik aktlarının qəbul edilməsini təklif edir və seçiciləri seçkilərin saxtalaşdırılmasına yol verməməyə çağırır.
“Görünür, Milli Məclisin tabeçilik rolu ürəyincə olanlara, hakimiyyəti tənqid edən deputatlara ehtiyacı olmayanlara Yükselis.info saytına girişi bağlamaq lazım gəlib”, - E.Məmməd yazır.
O hesab edir ki, məhz həmin məmurlar hakerlərə sayta, trollara isə sosial şəbəkələrdə namizədə hücum əmrini veriblər. E.Məmməd baş verənləri seçkilər haqqında qanunun birbaşa pozulması adlandırıb və MSK-ya şikayət edib.--0--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz