Dərman bazarında nələr baş verir?
Dərman preparatlarının qiymətinin endirilməsi və keyfiyyətsiz dərmanların satışdan çıxarılması ilə bağlı addımlar hərc-mərclik yaradıb ki, bu da dekabr devalvasiyasından sonra daha da artıb.
Dərmanlar üçün vahid qiymətin müəyyən edilməsi barədə hakimiyyətin bəyanatlarına zidd olaraq eyni dərmanın qiyməti müxtəlif apteklərdə müxtəlif cürdür. Heç yerdə vahid qiyməti olan dərmanların siyahısı yoxdur.
Bundan əlavə, qiymətlərin endirilməsi ilə bağlı addımlar bir çox preparatın qıtlığına gətirib çıxarıb.
Məsələn hipertoniya xəstələri üçün vacib olan ampilin yoxa çıxıb.
Yeni il ərəfəsində 844 adda dərmanın qadağan edilməsi barədə məlumatlar yayıldı.
Lakin ötən gün Səhiyyə Nazirliyi buna aydınlıq gətirərək bildirib ki, qadağa dərmanlara aid deyil, Səhiyyə Nazirliyinin icazəsi olmadan idxal edilən və ekspertizadan keçməyən müəyyən dərman seriyasına aiddir. Bu barədə Səhiyyə Nazirliyinin 6 yanvar tarixli məlumatında bildirilir.
Lakin digər problemlər ortaya çıxır. Məsələn, Türkiyə istehsalçılarının Diprospan inyeksiyası qadağan edilib. Bundan öncə isə Belçika istehsalı olan həmin preparat yoxa çıxıb, başqa analoq isə yoxdur.
Rusiya və Ukrayna istehsalı olan validol, Belarus istehsalı olan sitramon da qadağan edilib. Bu dərmanlar qiymətinə görə aztəminatlı əhali üçün münasibdir.
Ümumilikdə, qadağan edilən dərmanlar sırasında sözügedən dərmanlardan başqa Hindistan, Rumıniya, Danimarka, İordaniya, Gürcüstan, Polşa, Misir, Almaniya və digər ölkələrin müxtəlif seriyalı preparatları var.
Dekabrın 21-də ikinci devalvasiyadan sonra dərmanların qiyməti 1,7-2 dəfə artıb, halbuki, manatın məzənnəsi 50% enib.
Beləliklə, ürək xəstələrinin və hipertoniya xəstələrinin istifadə etdikləri “Kardiomaqnil” 3,6 manatdan 6,6 manatadək artıb. İkinci devalvasiyadan öncə 10 manat olan “Prestarium” dərmanı 17 manatadək artıb. “Traktazim”in qiyməti 16 manatdan 26 manatadək qalxıb.
Digər ucuz preparatlar da 50-100% bahalaşıb.—06D-
-
- İqtisadiyyat
- 6 Yanvar 2016 12:38
-
- İqtisadiyyat
- 6 Yanvar 2016 13:55
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz