�Diglas� Ticarət Mərkəzindəki obyekt sahibləri kompensasiya tələb edirlər

Bakı/27.03.19/Turan: Martın 26-da yanan "Diglas" Ticarət Mərkəzindəki ticarət obyektlərinin sahibləri bu gün Nizami Rayon İcra Hakimiyyətində olublar. Onlar dəyən zərərin ödənilməsi məsələsini qaldırıblar. Lakin rayon icra başçısı işarə edib ki, o bu məsələni həll edə bilməz və ölkə rəhbərliyinə müraciət edəcək.

Bu, obyekt sahiblərinin günahına görə böyük zərərə məruz qalan yüzlərlə sahibkarın narazılığına səbəb olub. Odur ki, bir neçə saatdan sonra sözügedən Ticarət Mərkəzinin qarşısında direktor müavini ilə daha bir görüş olub.

Lakin obyektlərin sahibləri bu dəfə də öz suallarına cavab almayıblar və Ticarət Mərkəzinin sahibindən onlara kompensasiya ödənilməsini tələb ediblər.

Sahibkarların söylədiklərinə görə, yanğından dəyən ziyanın həcmi obyektdən və yanmış malların həcmindən asılı olaraq 50-100 min manat civarında qiymətləndirilir.

Ticarət Mərkəzinin nümayəndəsi sahibkarların tələblərinin rəhbərliyə çatdırılacağını və sabah onlarla görüşün olacağını vəd edib. -05D-