Direktor vəzifədən kənarlaşdırılıb

Bakı/08.04.19/Turan: Bakı şəhəri 162 nömrəli tam orta məktəbin direktoru Sevinc Abbasova vəzifəsindən kənarlaşdırılıb. Bu barədə Təhsil Nazrilyinin axşam saatlarında yaydığı məlumatda deyilir.

Məlumatda direktorun tutduğu vəzifədən kənarlaşdırılması məktəbdə baş vermiş hadisə ilə bağlıdır. Belə ki, hadisə ilə bağlı Bakı Şəhər Prokuroluğunda cinayət işi açılıb, istintaq işi aparılır..

Bundan əlavə, Bakı Şəhəri üzrə Təhsil İdarəsi tərəfindən xidməti araşdırma aparılır.

"Hər iki istiqamət üzrə araşdırmanın tam obyektivliyini təmin etmək məqsədilə Təhsil nazirinin 8 aprel 2019-cu il tarixli, K-388 saylı əmri ilə məktəbin direktoru Sevinc Abbasova araşdırma müddətində işdən kənarlaşdırılıb", məlumatda belə deyilir.

Məluatda vurğulanır ki, məktəbin direktoru vəzifəsinin müvəqqəti icrası Bakı Şəhəri üzrə Təhsil İdarəsinin Ümumi təhsil sektorunun aparıcı məsləhətçisi Əfqan İsgəndərova həvalə edilib.

Xatırladaq ki, aprelin 5-də mktəbin VIII sinif şagirdi özünü məktəbin 3-cü mərtəbəsindən yerə atıb, aldığı xəsarətlərlə bağlı 1 saylı Klinik Xəstəxanaya yerləşdirilib. Aprelin 6-da məktəbli elə xəstəxanada dünyasnı dəyişib.

Şagirdin anası iddia edir ki, qızı intihara məcbu eduilib, buna səbəb məktbədə şagirdlərin alçaldıcı hərəkətləri, məktəb rəhbərliyinin bu hərəkətlərə laqeyd münasibətidir.

Məktəb rəhbərliyi isə məktəblinin belə davranışını psixoloji problemləri, ailəsinin problemli ailə olmasını iddia edir.

Aprelin 6-da Bakı Şəhər Prokurorluğu fakt üzrə Cinayət Məcəlləsinin 125-ci (özünü öldümək həddinə çatdırmaq) maddəsilə cinayət işi açıb.

Bakı Şəhəri üzrə Təhsil İdarəsi məktəbdə baş vermiş hadisə ilə bağlı xidməti araşdırmaya başlayıb.

Məlumatda deyilir ki, aparılan istintaq tədbirləri nəticəsində hadisənin baş vermə səbəbləri tam aydınlaşdırılacaq və bununla bağlı ictimaiyyətə əlavə məlumat veriləcək. .-05D06-

Rəy yaz

Cəmiyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti