![Diversiyada ittiham olunan erməni hərbiçisi məhkəmə qarşısına çıxarılacaq](https://turan.az/resized/./turan-750-500-resize.webp)
Diversiyada ittiham olunan erməni hərbiçisi məhkəmə qarşısına çıxarılacaq
Respublika Hərbi Prokurorluğu dekabrın 26-da Ağdam hissəsində təmas xəttini keçən erməni kəşfiyyat-diversiya qrupunun üzvü Arsen Baqdasaryanın işi üzrə istintaqı yekunlaşdırıb. İş məhkəməyə göndərilib, bu barədə Turan-a hərbi prokurorluqdan bildiriblər.
Baqdasaryan dekabrın 26-da axşam onun qrup üzvləri cəbhə xəttini keçməyə çalışarkən əsir düşüb. Hərbi Prokurorluq ona qarşı bir neçə maddə ilə cinayət işi açıb.
Hərbi Prokurorluğun mətbuat xidmətinin məlumatına görə, baş serjant A.Baqdasaryan müqavilə ilə Ağdərə rayonu (keçmiş Mardakert) ərazisində yerləşən hərbi hissnin tərkib hissəsi olan 49971 saylı hərbi hissənin kəşfiyyat rotasının 1-ci vzvodunun komandiri vəzifəsində xidmət göstərirdi.
O, Azərbaycan tərəfə keçmək və səngərlərə mina yerləşdirmək tapşırığı alıb. Bu məqsədlə A.Baqdasaryan və digər qrup üzvləri (onların adları və soyadları istintaqa məlumdur) dekabrın 26-da təmas xəttini keçiblər. Onlarda olan 7 fuqasdan 3-ü quraşdırılıb. Baqdasaryan qayıtmağa hazırlaşarkən Azərbaycan hərbiçiləri tərəfindən saxlanılıb. Minalar zərərsizləşdirilib.
Baqdasaryana qarşı 218.2 (cinayətkar dəstədə (cinayətkar təşkilatda) iştirak etmə), 29, 120.2.1 (əvvəlcədən əlbir olmuş bir qrup şəxs, mütəşəkkil qrup və ya cinayətkar dəstə tərəfindən qəsdən adam öldürməyə cəhd), 29, 120.2.7 (2 və daha çox şəxsin qəsdən öldürülməsinə cəhd), 29, 120.2.12 (milli, irqi, dini kin və ya düşmənçilik səbəbindən qəsdən adam öldürmə), 29, 282.2 (partlayış, yanğın və ya həyat təminatı obyektlərinin dağıdılmasına yönəlmiş digər əməllərin törədilməsi) maddələri ilə ittiham irəli sürülüb. Məhkəmə prosesinin nə vaxt başlayacağı bildirilmir.
Qeyd edək ki, Ermənistan tərəfi Baqdasaryanın müqavilə ilə xidmət etdiyini, amma ordudan tərxis olunduğunu iddia edir. Onun keçmiş komandanlığı cəbhə xəttində onun necə əsir düşə biləcəyini izah etmir. -16D-
-
- İqtisadiyyat
- 10 Mart 2015 16:36
-
- Siyasət
- 10 Mart 2015 17:16
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz