Bakı/01.02.19/Turan: Azərbaycanda "donuz qripi" deyil, "adi mövsüm qripi" yayılıb. Bu barədə bugünki mətbuat konfransında Ümumdünya Səhiyyə Təşkilatının (ÜST) Azərbaycandakı ofisinin rəhbəri Fatoş Hande Harmançı bildirib.
Onun sözlərinə görə, söhbət 10 ildir mövcud olan A/H1N1 virusundan getmir.
Harmançının sözlərinə görə, bu virus "donuz qripi deyil".
O, donuz qripinin əvvəlcə donuzlara yoluxan, sonradan insanlara keçməyə başlayan qrip növü olduğunu izah edib.
Dünyada bu İnf A(H1N1) virusunun sonuncu pandemiya faktı 2009-cu ildə olub.
Bu gün müşahidə olunan mövsüm qriplərinə isə A/H1N1 və A/H3N2 virusları səbəb olur.
Harmançı qeyd edib ki, hazırda Gürcüstanda və bir sıra Avropa ölkələrində A/H1N1 virusu geniş yayılıb. Amma o, ötən illərdəki viruslardan fərqlənmir.
O, qripin profilaktikası üçün gigiyena qaydalarına riayət edilməsi zərurətini qeyd edib.
5 yaşına qədər uşaqlar, hamilələr, 65 yaşdan yuxarı insanlar, ağ ciyər xəstəlikləri olan insanlar yüksək risk qrupuna aiddir.
Qrip əlamətləri olan insanlar təcrid olunmalı, işə və dərsə getməməlidir. Mikroblar ilk üç gündə daha çox yayılır.
Əlləri sabunla yaxşı-yaxşı yumaq, öskürərkən ağzı dəsmalla bağlamaq tövsiyə olunur.
Öz növbəsində, Səhiyyə Nazirliyinin baş epidemioloqu İbadulla Ağayev qeyd edib ki, qrip kütləvi şəkildə yayılarsa, qurum buna qarşı mübarizə üçün bütün tədbirləri görmək iqtidarındadır.
O qeyd edib ki, "Azərbaycanda A/H1N1 virusu aşkar edilən 16 nəfərdən heç biri xəstəxanaya yerləşdirilməyib" və hamısı artıq sağalıb.
Bu insanlarda A/H1N1 virusunun olduğunu Səhiyyə Nazirliyinin Respublika Taun Əleyhinə Stansiyası və ÜST təsdiq edib.
ÜST-ün Azərbaycanda proqram koordinatoru Cəvahir Süleymanova bildirib ki, həkimlər qrip diaqnozu qoya bilmir, belə ki, virus yalnız laboratoriya şəraitində təsdiq edilir. -06D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz