Dövlət 40 heyvandarlıq təsərrüfatının şikayətlərinə və ehtiyaclarına məhəl qoymur  

Bakı/12.03.19/Turan: Azərbaycan Helsinki Vətəndaş Assambleyası Qərb regional bölməsi Qax Rayon İcra Hakimiyyəti və "Aqroinkişaf-2017" MMC ilə məhkəmə çəkişməsindədir. Bölmə onları qanunvericiliyin pozulmasında, fermerlerin icarəyə götürdükləri torpaqların zəbt edilməsi kimi cinayətdə, məhsuldar qatın məhv edilməsində ittiham edir.

"Şəki Regional İqtisadi Məhkəməsində ilk iclas 2019-cu il yanvarın 30-da olub, proses davam edir", - HVA Qərb bölməsinin üzvü Aslan Vəliyev Turan-a bildirib.

A.Vəliyev Turan-ın müxbiri ilə söhbətində deyib ki, Qax rayonunda 40 fermer təsərrüfatı uzun illərdir ki, mal-qaranın otarılması üçün yerli İcra Hakimiyyətindən 65 min ha torpağı icarəyə alıb. Soyuq vaxtlarda bu ərazidə 150 min qoyun otarılıb, onlar ildə 150 min quzu balalayıb, həmin quzular bazara çıxarılıb. Fermerlər vergi ödəyiblər. Lakin iki il əvvəl Qax Rayon İcra Hakimiyyəti fermerlərlə müqaviləni birtərəfli qaydada pozub və həmin ərazini kənd təsərrüfatı bitkilərinin becərilməsi üçün 15 il müddətinə "Aqroinkişaf-2017" MMC-yə verib.

Mal-qaranı otarmaq üçün torpaqsız qalan fermerlər qazancdan məhrum olublar, kəndlilər işsiz qalıblar ki, bu da region sakinləri arasında narazılığa səbəb olub. Fermerlər 275 nəfərin imzaladığı şikayəti Nazirlər Kabinetinə, yerli rayonların (Qax, Zaqatala) İcra hakimiyyətlərinə və polis bölmələrinə, Ekologiya və Təbii Sərvətlər Nazirliyinə, Azərbaycan prezidentinə və vitse-prezidentə, Dövlət Torpaq Komitəsinə və digər təşkilatlara göndəriblər. Ancaq cavab yoxdur, ya da şikayətçilər anlaşılmaz cavablar alır.

Ekologiya və Təbii Sərvətlət Nazirliyi fermerlərə təklif edib ki, ARDNŞ-yə müraciət etsinlər. Əmlak Məsələləri Dövlət Komitəsi bildirib ki, istifadəçilər müqavilənin bəndlərini pozublar və iki dəfə böyük ərazini şumlayıblar ki, bu da cinayət işinin qaldırılmasına əsas verir", - A.Vəliyev əlavə edib.

O hesab edir ki, "Aqroinkişaf-2017" şirkətinin arxasında hökumətə bağlı qüvvələr dayanır, yerli və mərkəzi hakimiyyət, məhkəmə orqanları onların qarşısında acizdir.

İlisu Dövlət Qoruğu üçün yaranmış təhlükə də A.Vəliyevi narahat edir. Bu qorunan zona (Alazan-Nəftəran vadisi Acınogur-Sarıca arealı) MMC tərəfindən məhv edilir.

Belə ki, dərin şumlanma səbəsindən on illərlə əmələ gələn məhsuldar qumusun incə qatı (bir santimetr) dağılır. Ekoloqlar tərəfindən yayılma və çoxaldılma məqsədilə regiona gətirilən ceyranlar (70-dən çox) qoruq zonasını tərk edirlər.-0-