Bakı/25.12.18/Turan: Hakimiyyətin nəzarətində olan kitab mağazalarında tarix elmləri doktoru, professor Cəmil Həsənlinin əsərlərinin satışına qadağa qoyulub.
Əsasən prezidentin İşlər İdarəsinin "Kitab Evi", Bakı Kitab Mərkəzi, "Rus Kitab Evi" C. Həsənlinin Azərbaycanda və xaricdə nəşr olunmuş kitablarını satmaqdan imtina ediblər.
Qadağanın C.Həsənlinin Milli Şuranın sədri postunda fəaliyyəti, ictimai və siyasi mövqeyi ilə bağlı olduğu ehtimal edilir.
C.Həsənli Turan-ın müxbiri ilə söhbətində qeyd edib ki, "Rus Kitab Evi" onun kitablarının satışından çoxdan imtina edib. "Bir neçə il öncə mənə zəng edib kitab evinin bağlanacağını bildirdilər və mənim orada olan, əsasən Moskvada nəşr olunmuş kitablarımı geri götürməyimi istədilər. Mən kitabları geri götürdüm, ancaq mağaza bu günə kimi işləyir. Maraqlıdır ki, Rusiyada mənim kitablarım Vladivostokdan Kalininqarada qədər bütün kitab mağazalarında satılır", - o bildirib. Prezidentin İşlər İdarəsinin "Kitab Evi"nə gəlincə, onlar uzun illər mənim kitablarımı həvəslə satıblar. Ancaq bir il yarım öncə təmir başlaması ilə əlaqədar kitablarımı götürməyimi xahiş etdilər. Ancaq rekonstruksiyadan sonra onlardan bir xəbər yoxdur. Adətən özləri telefon edib kitabları satışa çıxarmağı təklif edirdilər. Hətta bir yayım firması mənim işlərimi onlara təklif etmişdi, lakin sonra həmin kitabları qaytardılar", - C.Həsənli deyib.
O, bunu ölkədə qurulan totalitar idarəçilik və avtoritar düşüncə ilə əlaqələndirib.
"Vaxtilə faşist Almaniyasında kitabları satış yerlərindən çıxarırdılar", - professor vurğulayıb.
Onun sözlərinə görə, nəinki kitabları satış yerlərindən çıxarılır, hətta hakimiyyətin nəzarətində olan nəşriyyatlarda çap olunan kitablarda onun əsərlərinə istinad etmək müəlliflərə "tövsiyə" edilmir.
O, bunu 1930-cu illərdə "xalq düşmənləri"nin əsərlərinə münasibətlə bağlı qüsurlu praktika ilə müqayisə edib.
Cəmil Həsənli Azərbaycan Xalq Cümhuriyyəti (1918-1920-ci illər), 1920-30-cu illər, İkinci Dünya Müharibəsinin başa çatması, Yaxın Şərqdə dövlətlərarası mübarizənin kəskinləşməsi, əsasən Türkiyə və İranda, "soyuq müharibə"nin başlanması və s. dövrlərin tarixini əks etdirən çoxsaylı elmi əsərlərin müəllifidir.
Onun əsərləri ABŞ, Türkiyə, Rusiya və s. ölkələrin aparıcı nəşriyyatları tərəfindən dərc edilib.-06D--
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz