Dövlət Təhlükəsizliyi Xidməti xaricdə qanunsuz birləşmələrdə iştirak edən iki vətəndaşı saxlayıb

Bakı/08.09.21/Turan:  Dövlət Təhlükəsizliyi Xidməti xarici dövlətin ərazisində qanunsuz silahlı birləşmədə iştirak etməkdə şübhəli bilinən Azərbaycan vətəndaşlarını saxlayıb.

Dövlət Təhlükəsizliyi Xidmətinin məlumatında deyilir ki, Mənsur Məmmədəli oğlu Cumayev (1980-ci il) və Nəsir Qaçay oğlu Cahangirov (1971-ci il) 2011-ci ildə qanunsuz silahlı birləşməyə qoşulmaq üçün Azərbaycandan gediblər.

Qeyri-leqal yolla xarici dövlətin ərazisinə keçməklə orada fəaliyyət göstərən “Səlahəddin” ləqəbli şəxsin rəhbərlik etdiyi cinayətkar birliyə daxil olublar. Həmin silahlı qruplaşmanın tərkibində döyüş təlimlərində və əməliyyatlarda iştirak ediblər.

Cumayev və  Cahangirov Azərbaycan Cinayət Məcəlləsinin 12.1, 279.1-ci (Azərbaycandan kənarda qanunsuz silahlı birləşmələrin fəaliyyətində iştirak etmə) maddəsi ilə təqsirləndirilən şəxs qismində məsuliyyətə cəlb olunublar. Məhkəmənin qərarı ilə onların barəsində həbs qətimkan tədbiri seçilib. İstintaq zamanı müttəhimlər  günahlarını etiraf edib və peşmançılıq hissi keçirdiklərini bildiriblər, Dövlət Təhlükəsizliyi Xidmətinin məlumatında deylir.—16В-