DQMŞ hökumətə bumeranq effekti barədə xəbərdarlıq edib

Bakı /26.05.18/Turan: Demokratik Qüvvələrin Milli Şurası (DQMŞ) iqtidarın AXCP-yə təzyiqi ilə əlaqədar bəyanatla çıxış edib. Bəyanatda deyilir:

Azərbaycan hökuməti Azərbaycan Xalq Cəbhəsi Partiyasını məhv etmək niyyətindədir. Son bir ayda partiyanın 10-dan çox fəalı və üzvü həbs olunub. Yalnız mayın 24-də ən yüksək səviyyəli üç partiya funksioneri tutulub: 1) AXCP İcraiyyə komitəsinin üzvü Aqil Məhərrəm, 2) AXCP Ali Şurasının Sədri Ruslan Nəsirli, 3) AXCP-nin Nərimanov Rayon Şöbəsinin sədri Babək Həsənov (əvvəllər vicdan məhbusu olub).

Təqiblərin dövlət səviyyəsində indiki aşkar surətdə qüvvətlənməsi xüsusi olaraq AXCP-yə qarşı yönəlmişdir. Üç həftə ərzində AXCP-nin keçmiş üzvü və Gədəbəy Rayon Icra Hakimiyyətinin başçısı Saleh Rüstəmli (1992-1993) və onun qardaşı oğlu Vidadi Rüstəmli saxlanılıb. Baş Mütəşəkkil Cinayətkarlıqla Mübarizə Idarəsində (BMCMİ) onlara işgəncə veriblər və AXCP sədri Əli Kərimlinin əleyhinə taqsırlandırıcı bəyanat imzalamağa məcbur ediblər.

Söz gəzirdi ki, Saleh Rüstəmli işgəncədən dünyasını dəyişib. Bunların nəticəsində partiyanın sədri Əli Kərimli Saleh Rüstəmlinin sağ olduğuna haqda sübutlar tələb edib və xəbərdarlıq edib ki, əgər hakimiyyət bunu etməsə, şəxsən o və digər AXCP üzvləri bilavasitə onunla görüşmək tələbi ilə həbs yerinə gedəcəkllər. Ertəsi gün Daxili Işlər Nazirliyi Denokratik Qüvvələrin Milli Şurasının nümayəndəsini həbs mərkəzinə dəvət edib. Bu fakt özlüyündə sübut edir ki, həbslər siyasi xarakter daşıyır. Saleh Rüstəmli nəinki Milli Şuranın, hətta AXCP-nin üzvü deyil. Bəs onda niyə Milli Şuranın nümayəndəsi BMCMİ-yə dəvət olunub?

Nəhayət, Saleh Rüstəmlinin qardaşına onu görməyə icazə verilib. O sağdır. Bununla belə, yuxarıda gəstirilən faktlar aydın göstərir ki, hakimiyyət AXCP-ni tam məhv etmək məqsədini güdür. Bundan başqa, Əli Kərimliyə qarşı ittihamedici "sübut"lar almaq məqüsədi iə Saleh Rüstəmliyə işgəncələrin verilməsi, habelə Baş Prokurorluğun bu yaxınlarda açıqladığı press-reliz (əlavə olunur) göstərir ki, hakimiyyət AXCP sədri Əli Kərimlinin həbsi üçün zəmin yaradır.

Bütün bunlar 1918-ci ildə Azərbaycan Demokratik Respublikasının yaradılmasının bilavasitə 100-illiyi ərəfəsində baş verir. İlham Əliyevin amnistiyanın tətbiqi yolu ilə dəyişikliklər haqqında məlumat vermək imkanı var idi. Bunun əvəzində o, 150 siyasi məhbusun yalnız 12 nəfərini azadlığa buraxıb ki, onların da cəza çəkmək müddəti demək olar ki, bitirdi.

AXCP-yə edilən bu və yaxın keçmişdəki misli görünməmiş təzyiqlərlə Azərbaycan hökuməti ölkədə hər hansı müsbət siyasi dəyişikliklər edəcəyinə olan bütün ümidlərə son qoydu.

Milli Şura bu repressiyalar kampaniyasına son qoyulmasını tələb edir! O bildirir ki, o, AXCP ilə çiyin-çiyinə duraraq ona dayaqdır. DQMŞ hökuməti xəbərdarlıq edir ki, dövlət səviyyəsində həyata keçirilən repressiyalar yalnız müxalifəti deyil, həm də hökuməti zəiflədəcək, çünki öz xalqına belə bir ifrat nifrət və ədavətlə yanaşan heç bir hökumət hakimiyyətdə çox qala bilməz. --0-