![Əfqan Muxtarlı onu müdafiə edən gürcü həmkarlarına təşəkkür edir](https://turan.az/resized/750/500/resize/media/2017/main/060900002211.jpg)
Əfqan Muxtarlı onu müdafiə edən gürcü həmkarlarına təşəkkür edir
Bakı/09.06.17/Turan: "Gürcüstanda insan hüquqlarının müdafiəsi uğrunda mübarizə aparan və mənim hüquqlarımı müdafiə edən jurnalist həmkarlarıma, vətəndaş cəmiyyəti fəallarına, Gürcüstan prezidentinə, bütün ictimai-siyasi təşkilatlara təşəkkür edirəm. Ümid edirəm ki, Gürcüstan cəmiyyəti demokratiya və azadlıqlar uğrunda sona qədər mübarizə aparacaq və ölkədə İvanişvili (Gürcüstanın keçmiş baş naziri Bidzina İvanişvili nəzərdə tutulur-red) diktaturasının yaranmasına imkan verməyəcək". Bu bəyanatı vəkil Nemət Kərimli 1 saylı Bakı İstintaq Təcridxanasında saxlanılan jurnalist Əfqan Muxtarlıya istinadən verib.
Vəkil iyunun 9-da təcridxanada Ə.Muxtarlı ilə görüşüb. O, Turan-a bildirib ki, Ə.Muxtarlı saxlanma şəraitindən narazı deyil.
"Onun ailə üzvləri ilə telefonla danışmasına qadağa qoyulub. Ancaq təcridxana rəhbərliyi məsələnin həll olunacağını bildirib", -N.Kərimli deyib.
Vəkilin sözlərinə görə, Əfqan Muxtarlı Avropa İnsan Haqları Məhkəməsinə müraciət etmək üçün gürcü vəkilə etibarnamə verib.-03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz