Əfqan Muxtarlı
Bakı/21.04.21/Turan: Aprelin 21-də Gürcüstan prokurorluğunun əməkdaşları Əfqan Muxtarlını dindirdikdən sonra ona zərərçəkmiş şəxs statusu veriblər. Prokurorluq həmçinin azərbaycanlı jurnalisti oğurlayanların hərəkətini daha ağır maddəyə tövsif edib, "Kavkazskiy uzel” bildirib.
Bununla da Gürcüstan prokurorluğu "Gürcüstan hüququ" qeyri-hökumət təşkilatının hüquqşünası Arçil Çopikaşvilinin vəsatətini təmin edib.
"İndiyə qədər Gürcüstan Cinayət Məcəlləsinin 143-cü maddəsi (qanunsuz azadlıqdan məhrumetmə) ilə aparılan istintaq 143-cü maddənin üçüncü hissəsinin "a" bəndi (qabaqcadan əlbir olan bir qrup şəxs tərəfindən azadlıqdan məhrumetmə") ilə davam edəcək", - "Gürcüstan hüququ" qeyri-hökumət təşkilatının məlumatında bildirilir.
Aprelin 9-da Əfqan Muxtarlı vəkil Arçil Çopikaşvilinin iştirakı ilə prokurorluqda dindirilib və bildirib ki, oğurlanmadan əvvəl daim nəzarətdə olub. Jurnalist istintaqa onu izləyən iki nəfərin fotosunu təqdim edərək onun Tbilisidə oğurlanmasının məhz onların köməyilə planlaşdırıldığını güman edib.
Aprelin 9-da Gürcüstanın Baş Prokurorluğunda Əfqan Muxtarlının dindirilməsi 10-dan çox davam edib və gecə yarısından sonra başa çatıb. Əfqan Muxtarlının sözlərinə görə, o, müstəntiqlərə bir neçə soyad söyləyib və oğurlandığı yer, onu oğurlayanların sonrakı hərəkətləri barədə ətraflı məlumat verib.
*Araşdırmaçı jurnalist Əfqan Muxtarlı 2017-ci ilin mayında Tbilisidə oğurlanıb və gizli şəkildə Azərbaycana göndərilib, burada onu qaçaqmalçılıq, sərhəddi qanunsuz keçmək, sərhədçiyə qarşı zorakılıqda ittiham ediblər və 6 il müddətinə azadlıqdan məhrum ediblər. Qeyri-rəsmi məlumatlara görə, onu Gürcüstan polisinin üç əməkdaşı oğurlayıb və iki ölkə sərhəddində Azərbaycanın hüquq-mühafizə orqanlarına təhvil veriblər.
Avropa Parlamenti, beynəlxalq hüquq- müdafiə təşkilatları Əfqan Muxtarlının həbsini pisləyiblər. Amnesty International onu "vicdan məhbusu" kimi tanıyıb.
17 mart 2020-ci ildə həbs cəzasının yumşaldılmasından sonra sərbəst buraxılıb və dərhal Almaniyaya göndərilib.—06D-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz