![Medianın inkişaf etməməsi sistem məsələsidir](https://turan.az/resized/media/2021/main/042100031631-750-500-resize.webp)
Medianın inkişaf etməməsi sistem məsələsidir
Bakı/21.04.21/Turan: Azərbaycanda medianın inkişafını təmin etmək üçün ölkədə media qanunvericiliyi kifayət qədər sadələşdirilməli, tənqidçi media mənsublarının tənqid və təklifləri nəzərə alınmalıdır. Bunu media sahəsi üzrə ekspert Seymur Kazımov Turan-ın "Çətin sual" proqramının suallarını cavablandırarkən bildiirib.
Media azadlığına görə Gürcüstanın 60-cı, Ermənistanaın 63-cü yerdə qərar tutması ilə razılaşmayan Seymur Kazımov bununla belə deyib ki, bu ölkələr arasında media azadlığı baxımından bu qədər fərq ola bilməzdi.
Seymur Kazımov deyir ki, Ermənistanda rəhbərliklə xalq arasında problemlər yaşanır, əhali hakimiyyətə etirazını bildirir, telekanallar da bunu yayımlayır.
O əlavə edir ki, Azərbaycanda bir dənə də müstəqil elektron kütləvi informasiya vasitəsi yoxdur.
Ekspert hesab edir ki, ilk növbədə tənqidlər, təkliflər eşidilməli, bu sahədə məlumatlandırma materialları yayımlanmalıdır. O vurğulayıb ki, Azərbaycanda məhdudiyyətlər var və bu, inkaredilməzdir: “Ən pisi odur ki, media ilə bağlı qanunvericilik medianın lehinə deyil, vaxtilə medianı idarə edən Kütləvi İnformasiya Vasitələrinə Dövlət Dəstəyi Fondu artıq sıradan çıxıb, son 7 ildə medianın inkişafına 40 milyon manat xərclənib. Amma bunun hansı nəticələrə səbəb olduğu hələ ki məlum deyil.
Seymur Kazımova görə, medianın fəaliyyətinin belə pis hala düşməsi medianın sistem məsələsidir: “Nə qədər desən də izah edə bilmirsən ki, pul paylamaqla medianı ayaq üstə qaldıra bilməzsən. Çünki Fondun fəaliyyəti doğru qurulmayıb”, - o deyib.
Seymur Kazımov hesab edir ki, bu sahədə vəziyyəti kökündən inkişaf etdirə bilmək üçün bu sahə ilə bağlı tənqid, təkliflər eşidilməli, əhalinin media savadlılığı inkişaf etidirilməlidir.-05D-
-
- Cəmiyyət
- 21 Aprel 2021 17:53
Çətin sual
-
Azərbaycanda sentyabrın 1-də keçirilən növbədənkənar parlament seçkilərinin ilkin nəticələri açıqlanıb.
-
Növbədənkənar parlament seçkilərinə 2 gündən az vaxt qalıb. Bu gün təbliğat və təşviqatın son günüdür.
-
Azərbaycanın xarici dövlət borcu azalıb, daxili dövlət borcu artıb.
-
Rəsmi Bakı Avropa Şurası Parlament Assambleyasında (AŞPA) Azərbaycan nümayəndə heyətinin əleyhinə səs verən şəxsləri “arzuolunmaz şəxslər” siyahısına salıb.
Rəy yaz