Əfqan Muxtarlı öz hesabına müalicə olunmaq istəyir
Bakı/20.10.17/Turan: Bakı İstintaq Təcridxanasında saxlanılan jurnalist Əfqan Muxtarlı ilə bağlı istintaq hərəkəti keçirilib. Bu haqda onun vəkili Elçin Sadıqov məlumat verib. Vəkilin bildirdiyinə görə, jurnalistə qarşı irəli sürülmüş ittihamlar məzmunca dəyişdirilib.
Ə. Muxtarlı istintaq zamanı özünü təqsirli saymadığını bildirib. O deyib ki, tənqidlərinə, araşdırma yazılarına görə Gürcüstandan oğurlanaraq Azərbaycana gətirilib. O, həbsinin qanunsuz olduğunu, səhhətinin ağır olduğunu ürək nahiyəsində kəskin ağrılardan əziyyət çəkdiyini bildirib.
Ə.Muxtarlı istintaqdan xahiş edib ki, Mərkəzi Klinik Xəstəxanada və ya Gömrük Hospitalında öz hesabına müayinə və müalicə olunmasına razılıq verilsin.
İstintaq hərəkətləri aparıldıqdan sonra vəkil Ə. Muxtarlı ilə təkbətək də görüşüb. Vəkilin sözlərinə görə, müdafiə etdiyi şəxslə konfidensial ünsiyyət qurmasına maneçilik törədilib.
"Təcridxanadan çıxarkən qeydiyyat otağında əlimdəki "Vəkillərin qeydiyyat kitabı"nı aldılar. Ə.Muxtarlı ilə təkbətək görüş zamanı etdiyim qeydləri oxudular. Bunun qanunsuz olduğunu bildirsəm də göstərişin birbaşa Penitensiar Xidmətin rəhbərliyindən gəldiyini bildirdilər",- vəkil deyib. O hesab edir ki, onu təhlükəsizlik məqsədi ilə yox, jurnalistlə görüşdə etdiyi qeydləri prokurorluğa çatdırmaq üçün yoxlayıblar.
E.Sadıqov hesab edir ki, ona qarşı qanunsuzluğa yol verilib. O, araşdırma tələbi ilə ölkə rəhbərliyinə, Baş Prokurorluğa, ombudsmana, Vəkillər Kollegiyasına müraciət edəcəyini bildirib.
Bundan öncə, Ə.Muxtarlının digər vəkili Nemət Kərimli də Bakı İstintaq Təcridxanasında jurnalistlə görüşdən sonra zorakı yoxlamaya məruz qalmışdı.
Penitensiar Xidmətdən və Bakı İstintaq Təcridxanasından vəkillərin iddiaları ilə bağlı şərh almaq mümkün olmayıb.-03D06--
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz