Афган Мухтарлы
Bakı/06.02.19/Turan: Jurnalist Əfqan Muxtarlının cəza çəkdiyi 16 saylı koloniyada saxlanma şəraiti pisdir. Bu barədə onun qardaşı Ramazan Muxtarlı bildirib.
Onun sözlərinə görə, sutka ərzində 4 saat istilik verilir. Nəticədə məhbuslar arasında xəstəlik yayılıb, öskürək, qızdırma adi hala cevrilib.
Koloniyada tibbi xidmət yoxdur. Kimin imkanı varsa öz hesabına dərman alır.
"Kameralar soyuq olduğundan müalicənin əhəmiyyəti olmur. Müəssisə rəhbərliyi yaranmış vəziyyətin dəyişməsi üçün heç bir tədbir görmür", - R.Muxtarlı bildirib.
"Normal qidalanma yoxdur. Koloniya məhbusla doludur. 1 yataq yerinə 3 nəfər düşür. Yay aylarında bəzi məhbuslar dəhlizdə yatırdı. İndi hamı kamerada yatır. Yer olmadığına görə növbə ilə yatırlar, sutkada 4 saat.
Bundan əlavə, jurnalistin Avropada siyasi mühacirətdə olan həyat yoldaşı Leyla Mustafayeva ilə telefon danışıqlarına məhdudiyyət qoyulub.
Telefon xəttinin "Aztelecom" tərəfindən borc olduğuna görə xaricə çıxışlarının bağlandığını bildiriblər. Əslində, məqsəd Əfqanın həyat yoldaşı ilə əlaqələrini kəsməkdir. Çünki o, Ə.Muxtarlının problemlərini beynəlxalq səviyyədə işıqlandırır, mətbuata məlumatlar verir", - R.Muxtarlı deyib.
Penitensiar Xidmətin ictimaiyyətlə əlaqələr şöbəsinin müdiri Mehman Sadıqov sutkada 4 saat istiliyin verilməsini təkzib edib.
Onun sözlərinə görə, cəzaçəkmə müəssisəsində kombi sistemi quraşdırılıb və fasiləsiz istilik verilir. M.Sadıqov qidaların keyfiyyətsiz olması haqda deyilənləri də doğru saymır. Onun sözlərinə görə, hətta diabetli xəstələr üçün ayrıca qida verilir.
Orada saxlanılan məhbusların sayı saxlanma limitindən qat-qat aşağıdır.
M.Sadıqov telefon danışıqlarının məhdudlaşdırılması barədə məlumatı da təkzib edib.
* Əfqan Muxtarlı 2017-ci ilin mayında Tbilisidə oğurlanaraq gizli şəkildə Azərbaycana gətirilib və burada qaçaqmalçılıq, sərhəddi qanunsuz keçmək və sərhədçiyə bədən xəsarəti yetirmək ittihamları ilə həbs olunub.
2018-ci ilin yanvarında Ə.Muxtarlı 6 il azadlıqdan məhrum edilib.
Amnesty International beynəlxlaq hüquq-müdafiə təşkilatı onu "vicdan məhbusu" kimi tanıyıb.-06D
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz