Əfqan Sadıqov. Açiq mənbələrdən foto.
Bakı/21.12.20/Turan: Azel TV internet nəşrinin təsisçisi Əfqan Sadıqov 50 gündür aclıq edir.
Onun həyat yoldaşı Sevinc Sadıqovanın Turan-a verdiyi məlumata görə, ondan artıq qıcolmalar başlayıb, tez-tez huşunu itirir, yeriyə bilmir, oynaqlarında kəskin ağrılar baş qaldırıb.
Hazırda o, Ədliyyə Nazirliyinin Penitensiar Xidmətinin Müalicə Müəssisəsinə yerləşdirilib.
"Əfqan qida və su qəbulundan, süni qidalandırıcı maddələrdən imtina edib. Vəziyyəti çox ağırdır, onu hər an itirə bilərik", deyə Sadıqova bildirib.
Onun sözlərinə görə, Ə.Sadıqovun apellyasiya şikayətinə dekabrın 25-i saat 10:30-da baxılacaq.
"Onun dekabrın 25-dək yaşayıb-yaşamayacağı məlum deyil. Ölkə prezidentinə, onun yaxşı işi ilə tanınan köməkçisi Hikmət Hacıyevə müraciət edirəm. Prezidentə çatdırın ki, günahsız bir vətəndaş, heç bir cinayətdə, korrupsiya faktında əli olmayan, heç bir vəzifə daşımayan jurnalist Əfqan Sadıqov müalicə müəssisəsində ölür. Əfqan həyatını itirsə nə dövlət, nə hakimiyyət, nə də məmurlar heç bir xeyir əldə etməyəcək", deyə Sadıqova qeyd edib.
* Azel.TV-nin rəhbəri Əfqan Sadıqov bu ilin mayında hədələmə yolu ilə pul tələb etmə ittihamı ilə həbs edilib. Noyabrın 3-də məhkəmə onu yeddi il azadlıqdan məhrumetmə cəzasına məhkum edib. Noyabrın 4-dən etibarən o, ədalətsiz hesab etdiyi hökmə etiraz əlaməti olaraq aclıq elan edib.
Yerli hüquq müdafiəçiləri onu siyasi məhbus kimi tanıyıblar. -06B03-
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz