![Əfqan Sadıqov. Açiq mənbələrdən foto.](https://turan.az/resized/media/2020/main/071100028592-750-500-resize.webp)
Əfqan Sadıqov. Açiq mənbələrdən foto.
Əfqan Sadıqov təcridxanada aclıq elan edib
Bakı/11.07.20/Turan: “Azel” Tv xəbər saytının təsisçisi və redaktoru Əfqan Sadıqovun barəsində ibtidai istintaq başa çatıb.
İyulun 10-da vəkil Elçin Sadıqovun iştirakı ilə müstəntiq Emin əliyev iş materiallarının məhkəməyə verildiyini bildirib. İstintaqın yekun qərarına əsasən Ə.Sadıqov CM-in 182.2.1-ci (qabaqcadan əlbir olan bir qrup şəxs tərəfindən zorla tələb etmə) və 182.2.4-cü (xeyli miqdarda əmlak əldə etmək məqsədi ilə törədildikdə) maddələri ilə ittiham olunur və onu 5 ildən 10 ilədək azadlıqdan məhrum olunma təhlükəsi gözləyir. Bu barədə Turan-a onun xanımı Sevinc Sadıqova məlumat verib.
Onun sözlərinə görə, Ə.Sadıqov etiraz əlaməti olaraq iyulun 11-dən Bakı İstintaq Təcridxanasına aclıq aksiyası elan edib.
“Əfqan dedi ki, cinayət işinin saxtalaşdırılmasına, ailəsinə təzyiq göstərilməsinə etiraz olaraq ədalət zəfər çalana qədər aclıq aksiyası elan edir”, - S.Sadıqova qeyd edib.
O, həyat yoldaşının səhhətinə görə narahatdır, çünki aclıq onun immunitetini pozacaq ki, bu da koronavirus epidemiyası şəraitində təhlükəlidir.
Ə.Sadıqov mayın 13-də saxlanılıb. Binəqədi Rayon Məhkəməsi onu hədə-qorxu ilə tələb etmək ittihamı ilə 4 ay müddətinə həbs edib. Amma S.Muradovu həbsə almayıblar.
İstintaqın bildirdiyinə görə, Ə.Sadıqov Xəbərfakt.az nəşrinin redaktoru Sakit Muradov ilə birlikdə 10 min manat rüşvət alarkən cinayət başında saxlanılıb.
Əfqan Sadıqov bəzi məmurların korrupsiya və kriminalda əli olması barədə qalmaqallı yazıları ilə tanınır.—06D-
-
- İqtisadiyyat
- 11 İyul 2020 13:02
-
- Cəmiyyət
- 11 İyul 2020 15:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz