Əfqan Sadıqovun apellyasiya şikayəti təmin olunmayıb
Bakı/13.07.18/Turan: Bakı Apellyasiya Məhkəməsi (BAM) cümə günü Azel.tv saytının redaktoru Əfqan Sadıqovun 30 günlük inzibati həbsindən verilmiş şikayəti təmin etməyib. İclas jurnalistin özünün iştirakı ilə keçirilib.
Xatırladaq ki, Ə.Sadıqov iyulun 6-da Cəlilabad rayonun saxlanılıb. Növbəti gün Bakının Nərimanov rayon məhkəməsi onu inzibati hüquq pozuntularında - "kiçik xuliqanlıq" və "polisin qanuni tələblərinə tabe olmamaqda" təqsirli bilərək, 30 gün müddətinə həbs edib.
Məhkəmənin qərarından şikayət verilib. Bu gün Bakı Apellyasiya Məhkəməsində vəkil Cavad Cavadov Ə.Sadıqovun iyulun 6-da günorta Cəlilabadda saxlanıldığına və elə həmin gün Bakıya, DİN-in Baş Mütəşəkkil Cinayətkarlığa qarşı Mübarizə İdarəsinə gətirildiyinə diqqət çəkib.
Yalnız iyulun 7-də həmin gün səhər onun küçədə söyüş söydüyü sənədləşdirilib.
Cavadov jurnalistin anasının və həyat yoldaşının şahid qismində məhkəməyə dəvət edilməsi, mobil telefon nömrəsinin yeri haqqında məlumatları tələb etmək barədə vəsatət qaldırıb.
Bundan başqa, müdafiə tərəfi BMCMİ əməkdaşlarının həmin gün həyata keçirdikləri əməliyyat haqqında məlumatların, Sadıqovun saxlanıldığı iddia olunan yerdəki videomüşahidə kameralarından görüntülərin tələb edilməsi haqqında vəsatət qaldırıb. Amma məhkəmə vəsatətlərin heç birini təmin etməyib.
Jurnalist özü polisin iddialarını təkzib edərək, BMCMİ-də fiziki təzyiqə, işgəncələrə məruz qaldığını və etiraf ifadəsini imzalamaq məcburiyyətində qaldığını bildirib.
Jurnalist deyib ki, heç bir hüquq pozuntusuna yol verməyib və o, Cəlilabadda anasının evində olarkən saxlanılıb. -03B-
Cəmiyyət
-
Şənbə günü Bakıda və Abşeron yarımadasında yağıntı gözlənilmir, şimal-qərb küləyi cənub küləyi ilə əvəz olunacaq.
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
-
Mayın 10-da Bakıda və Abşeron yarımadasında hava şəraitinin dəyişkən buludlu olacağı, əsasən yağıntısız keçəcəyi gözlənilir. Mülayim cənub küləyi axşam şimal-qərb küləyilə əvəz olunacaq.
Rəy yaz