Əfqan Sadıqov. Açiq mənbələrdən foto.
Bakı/30.04.21/Turan: Uzun müddətdir aclıq aksiyasını davam etdirən AzelTV saytının redaktoru Əfqan Sadıqovun ayaqları tutulub, kəskin yaddaş pozuntusu, şəkər xəstəliyi yaranıb. Bu barədə cümə günü onun həyat yoldaşı Sevinc Sadıqova bildirib.
Hazırda o, Ədliyyə Nazirliyinin Müalicə Müəssisəsindədir və onu müayinə etmək üçün endokrinoloq dəvət olunub. “Həkim Əfqanı müayinə etdikdən sonra deyib ki, əgər proses bu sürətlə davam edərsə şəkər böyrəkləri və digər orqanları sıradan çıxaracaq”, deyə jurnalistin həyat yoldaşı bildirib.
Xatırladaq ki, Əfqan Sadıqov 2020-ci ildə xeberfakt.az saytının redaktoru Sakit Muradovla birlikdə 10 min manat rüşvət almaq ittihamı ilə həbs edilib. Amma bu fakt üzrə yalnız sadıqov mühakimə edilib. O, 7 il müddətinə azadlıqan məhrum edilib. Apellyasiya Məhkəməsi Əfqan Sadıqovu azad etməkdən imtina etdikdən sonra o, aclıq aksiyasına başlayıb.
Bir müddət sonra həkimlər onu süni yolla qidalandırmağa başlayıblar. -03B-
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz