Bakı/23.09.19/Turan: 6 saylı cəzaçəkmə müəssisəsində həbs cəzası çəkən "Müsəlman Birliyi" hərəkatının fəalı Əhsən Nuruzadə bu gün müəssisə rəisinin yanına çağırılıb. "Uzun söhbətdən" sonra o, karserə göndərilib, bu barədə hüquq müdafiəçisi Oqtay Gülalıyev öz facebook səhifəsində yazıb.
Son zamanlar Nuruzadənin yaxınları ona qarşı təzyiqin gücləndiyini bildirirdi. Xüsusən, ondan bu yaxınlarda Gəncə işi üzrə cəzaçəkmə müəssisəsinə gələnlərlə ünsiyyət qurmamağı və onlara heç bir kömək etməməyi tələb edirdilər.
Nuruzadənin neçə günlük cəzalandırıldığı hələlik məlum deyil. O, 2015-ci il Nardaran hadisələri ilə bağlı həbs edilən dindarların hüquqlarının müdafiəsini əlaqələndirən şəxs idi.
2017-ci ildə o, inzibati qaydada iki dəfə həbs edilib, 2017-ci ilin oktyabrında isə ona qarşı qanunsuz narkotik dövriyyəsi ittihamı irəli sürülüb və o, 7 il müddətinə azadlıqdan məhrum edilib. Hüquq müdafiə təşkilatları onu siyasi məhbus kimi tanıyıblar. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz