Bakı/15.07.21/Turan: Ekologiya Nazirliyi “Beta Tea” şirkətinə Lənkəran rayonunun Həftani kəndi yaxınlığındakı meşə zonasının verilməsi ilə bağlı müqavilənin ləğvi prosesinə başlayıb. Bu barədə Ekologiya Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə bu gün jurnalistlərə bildirib.
Qeyd etmək lazımdır ki, eko-fəallar “Beta Tea”nın çay əkinləri yaratmaq üçün meşədə ağacları kəsməyə başlamasına diqqət çəkmişlər.
Altı hektar ərazidə Qırmızı Kitaba düşmüş növlər də daxil olmaqla yüzlərlə ağac məhv edilib.
Ekologiya Nazirliyinin nümayəndəsi Əlizadə bildirib ki, araşdırma zamanı bu ərazidə ağacların kəsilməsi faktı təsdiqlənib.
Onun sözlərinə görə, iş dayandırılıb. Mütəxəssislər təbiətə vurulan ziyanı hesablayıblar.
İyulun 22-də “Beta Tea” ilə müqavilə ləğv ediləcək və ətraf mühitə zərər verilməsində əli olan məmurlar cəzalandırılacaq. - 06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz