Ekologiya və Təbii Sərvətlər Nazirliyinin nümayəndəsi: “Anomal isti hava soyuq və qar ilə əvəzlənəcək”

Bakı/06.02.20/Turan: Son illərdə təkcə Azərbaycanda qeyri-adi isti hava şəraiti müşahidə olunmur. Analoji proseslər bölgədə, Avropada və planetin digər hissələrində də baş verir. Bu barədə ölkənin Ekologiya və Təbii Sərvətlər Nazirliyinin baş meteoroloqu Umayra Tağıyevanın şərhində deyilir.

Hazırda Aralıq dənizi sahillərində havanın temperaturu 24-27 dərəcədir ki, bu da əslində yaz temperaturudur. Bu gün Bakıda havanın temperaturu normadan 6 dərəcə yüksəkdir, yaxın iki gündə temperatur + 14 + 17 dərəcə olacaq və güclü cənub-qərb küləyi əsəcək.

Ölkənin mərkəzi aran bölgəsində havanın temperaturu +20 dərəcəyə yüksələcək.

Buna baxmayaraq, soyuq hava tezliklə özünü göstərəcək və uzun, anormal isti hava şəraiti şimaldan ölkəyə daxil olacaq soyuq arktik havalarla əvəz olunacaq.

Beləliklə, həftə sonu hava şəraitində kəskin dəyişiklik gözlənilir. Belə ki, artıq fevralın 7-i axşam saniyədə 30-35 metr sürətlə güclü şimal küləyi əsəcək. Fevralın 9-da temperaturun xeyli enəcəyi və qar yağacağı gözlənilir. Respublikanın, xüsusən də dağlıq və dağətəyi rayonların avtomobil yollarının  buz bağlayacağı gözlənilir, nazirliyin nümauəndəsi qeyd edib. -02D-