Bakı/21.05.20/Turan: Azərbaycan Xalq Cəbhəsi Partiyasının (AXCP) fəalı və jurnalist Elçin Həsənzadə hüquq -müdafiə təşkilatlarına və mediaya müraciət edərək Mingəçevir şəhərində sıxışdırıldığını bildirib.
“Artıq iki gündür ki, Mingəçevir şəhəri 4 saylı MİS-in rəisi kirayədə qaldığım mənzilin sahibinin gəlir və tələb edir ki, məni – “radikal müxalifətçi”ni mənzildən çıxarsın.
Məmur mənzil sahibini hədələyir ki, “radikal müxalifətçini evində saxlamaqla dövlətçiliyə qarşı çıxır”.
Eyni şəkildə yoldaşımın valideynlərinə təzyiq göstərilir. 5 saylı MİS-in rəisi isə mənim getdiyim çayxananın sahibinə təzyiq göstərir ki, məni oraya buraxmasın", - E.Həsənzadə qeyd edib.
Həsənzadənin fikrincə, ona təzyiq Mingəçevir İcra Hakimiyyətinin rəhbərliyindən irəli gəlir.
“Məni, sadəcə, Mingəçevirdə sıxışdırırlar”, - o qeyd edib.
Jurnalist və fəalın sözlərinə görə, üç il bundan əvvəl analoji hədələrlə onu əvvəlcə Sumqayıt şəhərindən, sonra isə Binə qəsəbəsindən didərgin salıblar.
“Ölkədə normal hüquq- mühafizə orqanlari da yoxdur ki ora müraciət edim. Haqqımı qorusunlar. Mənim vətəndaş kimi öz vətənimdə yaşamaq hüququm yoxdur?”, - jurnalist sual edir.
Hələlik Mingəçevirin hakimiyyət orqanlarından şərh almaq mümkün olmayıb.06В-
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz