Elçin Məmmədin tərəfdarları Birləşmiş Millətlər Təşkilatının İnsan Hüquqları Komitəsinə müraciət ediblər

Bakı/20.04.22/Turan:  "Sumqayıt Gənclərinin Hüquqi Maarifləndirilməsi" İctimai Birliyi Birləşmiş Millətlər Təşkilatı İnsan Hüquqları Komitəsinə müraciət edərək sözügedən qeyri-hökumət təşkilatının rəhbəri Elçin Məmmədin həbsdən azad olunmasına yardım etməyə çağırıb.

Müraciət müəllifləri hesab edirlər ki, Məmmədin həbsinin əsl səbəbi onun Azərbaycanda insan hüquqlarının vəziyyətinə dair hesabatları, sosial şəbəkələrdə hakimiyyətin ünvanına tənqidi yazıları, korrupsiya faktlarının ifşa olunmasıdır.

Məmməd 2020-ci ilin martında həbs edilib və uydurma oğurluq və qanunsuz silah-sursat saxlamaq ittihamı ilə 4 il müddətinə azadlıqdan məhrum edilib. Yerli məhkəmələr onun hökmdən şikayətlərini rədd ediblər və indi o, Avropa İnsan Hüquqları Məhkəməsində ona qarşı cinayət təqibinin qanunsuz olmasının tanınmasına nail olmaq niyyətindədir.

Müraciət müəllifləri Birləşmiş Millətlər Təşkilatı Komitəsini fəalın həbsinin qanunsuz olması barədə yekun qərar qəbul etməzdən öncə onun şərti azadlığa buraxılmasına nail olmağa çağırır.

* 17 oktyabr 2020-ci ildə Sumqayıt Şəhər Məhkəməsi "Sumqayıt Gənclərinin Hüquqi Maarifləndirilməsi" qeyri-hökumət təşkilatının rəhbəri və "Yüksəliş naminə" saytının redaktoru Elçin Məmmədi "oğurluq", "hərbi sursat və silahların qanunsuz saxlanmasında" təqsirli bilərək 4 il müddətinə azadlıqdan məhrum edib.

Amnesty International, PEN, FİACAT və digər beynəlxalq təşkilatlar Elçin Məmmədin həbsini pisləyiblər. Yerli hüquq müdafiəçiləri onu siyasi məhbus kimi tanıyıblar.—0506B-