Elçin Qasımlının saxlanıldığı bildirilir
Bakı/05.05.21/Turan: Mayın 5-də Müsəlman Birliyi Hərəkatı idarə heyətinin sədri Elçin Qasımlının saxlanıldığı bildirilir.
Bu bərədə Turana "Müdafiə Xətti" hüquq müdafiə təşkilatının təsisçilərindən biri Rüfət Səfərov məlumat verib. Onun sözlərinə görə, Qasımlı axşam saatlarında saxlanılıb. "Axşam saat 21:00-da o, "Azərbaycan Saatı" kanalında canlı efirdə qonaq kimi iştirak etməli idi. Lakin Məştağa qəsəbəsində yerləşən yaşadığı evdə internet olmadığı üçün Qasımlı şəhərə gəlməli idi. Saat 21:00 radələrində onunla əlaqə saxlamaq cəhdləri boşa çıxdı. Sonradan məlum olub ki, onu evindən çıxanda saxlayıblar".
Hüquq müdafiəçisi qeyd edib ki, Qasımlı yeri və saxlanma səbəbi hazırda bəlli deyil.
Məsələ ilə bağlı Daxili İşlər Nazirliyindən münasibət öyrənmək mümkün olmayıb. -0-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz