Elçin Sadıqov barəsində icraata xitam verilib
Bakı/20.11.17/Turan: Vəkil Elçin Sadıqov bu gün, noyabrın 20-si Vəkillər Kollegiyasına (VK) çağırılıb. Çağırış Şəki Ağır Cinayətlər Məhkəməsinin hakimi Rəşid Hüseynovun ondan şikayət etməsi ilə bağlıdır.
Bu haqda E.Sadıqovun özü danışıb.
E.Sadıqov eyni şikayət üzrə 2 ay əvvəl, sentyabrın 28-də də Vəkillər Kollegiyasına çağırılmışdı. Vəkil Şəki Ağır Cinayətlər Məhkəməsinin hakiminin şikayəti üzrə izahat vermişdi.
"Yenidən intizam icraatı başlanılıb. Saat 4-də kollegiyada olmağımı istəyiblər", - deyən vəkil başqa bilgiyə sahib olmadığını bildirib. Vəkilin deməsinə görə, çox güman ki, hakimin onunla bağlı şikayəti üzrə VK-nin intizam komissiyasının qərarı elan ediləcək.
Şəki Ağır Cinayətlər Məhkəməsinin hakimi R.Hüseynov vəkil E.Sadıqovdan sentyabrın əvvəlində Vəkillər Kollegiyasına şikayət edib. Hakim bildirirdi ki, vəkil jurnalist Elçin İsmayıllının məhkəmə prosesinin gedişatına mane olmağa cəhd edib.
E.Sadıqov isə onu təkzib edir. Vəkil iddia edib ki, hakim onun hüquqlarını pozub. E.Sadıqovun deməsinə görə, hakim qanunvericiliyin tələblərinə zidd olaraq, jurnalist E.İsmayıllının işi üzrə hazırlıq iclasını onun iştirakı olmadan keçirib. Vəkil vurğulayıb ki, buna etiraz etdikdə, hakim ondan şikayət edib.
Vəkillər Kollegiyası sonda Elçin Sadıqov barəsində başlanmış intizam icraatına xitam verib.
Vəkil deyib ki, ona heç bir intizam tənbehi verilməyib.
"Kollegiya qərar verdi ki, mənim barəmdə verilmiş şikayət əsaslı olmayıb. Heç bir hüquq pozuntusuna yol vermədiyim aydnlaşdığı və hakimin şikayəti təsdiqini tapmadığı üçün icraata xitam verildi", - vəkil bildirib.-0-
Cəmiyyət
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
-
Bu gün Bakının mənzərəli Səbail rayonunda, Xəzər dənizinə baxan yerdə hüquqşünas Aslan İsmayılov bir qrup fədakar ekofəal ilə birlikdə mühüm mərhələni - vaxtilə dağılmış, torpaq sürüşməsinə məruz qalmış yamacda yaradılmış parkın yeddinci ildönümünü qeyd edib. Boş çöldə salınmış bu yaşıl məkan şəhərin genişlənən yaşıl zolağının həyat əhəmiyyətli hissəsini təmsil edir və ətraf mühitin bərpası üzrə uğurlu layihədir.
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
Rəy yaz