Elçin Sadıqov. Açiq mənbələrdən foto.
Bakı/26.09.20/Turan: Azərbaycan Vəkillər Kollegiyasının Rəyasət Heyəti vəkil Elçin Sadıqova töhmət verib. Bundan başqa, onun fərdi vəkillik fəaliyyəti ilə məşğul olması qadağan edilib. Sadıqovun üzərinə 14 saylı Vəkil Bürosunda işləmək öhdəliyi qoyulub.
Sadıqovun Turan agentliyinə verdiyi məlumata görə, hələ 2020-ci il yanvarın 15-də ona qarşı keçmişdə ona vəkalət verən Gürcüstan vətəndaşı Leyla Canaşiyanın müraciəti əsasında intizam icraatı başlayıb.
Sadıqovun sözlərinə görə, 2019-cu il iyulun 15-də o, Canaşiyanın Azərbaycanda deportasiyası haqqında qərarın ləğvinə, 2020-ci il yanvarın 8-də isə ona 1 il Azərbaycanda yaşamaq icazəsinin verilməsinə nail olub.
Amma bu qadın ondan Vəkillər Kollegiyasına guya vəkillik sənədlərinin saxtalaşdırılması haqqında şikayət verib.
Sadıqov hesab edir ki, vəkillik fəaliyyəti ilə əlaqədar ona qarşı təzyiq məqsədilə bu qadından istifadə ediblər.
O qeyd edib ki, 2020-ci il iyulun 30-da Yasamal rayon prokurorluğu əməllərndə pozuntu aşkar etmədiyi üçün ona qarşı cinayət işi açmaqdan imtina edib. Səbail rayon məhkəməsi 2020-ci il sentyabrın 2-də də onun əməllərində pozuntu olmadığını təsdiq edib.
Bununla belə, bütün bunlardan sonra Vəkillər Kollegiyasının Rəyasət Heyəti qanunun aliliyi prinsipini pozaraq, ona töhmət verib və fərdi vəkillik fəaliyyəti ilə məşğul olmağı qadağan edib, üzərinə Bakıdakı 14 saylı Vəkil Bürosunda işləmək öhdəliyi qoyub.
Fərdi fəaliyyət həyata keçirən vəkil öz-özünə order çıxarmaq hüququna malikdir. Büroda işlədikdə isə o, bu qurumdan order almalıdır.
İstirahət günləri Büro işləmədiyi üçün istiraht günləri fəallar və jurnalistlər saxlanılarsa, Sadıqov operativ qaydada onların müdafiəsinə qoşula bilmyəcək.
O, Vəkillər Kollegiyasının Rəyasət Heyətinin qərarının qanunsuz olduğunu bildirib.
Vəkillər və vəkillik fəaliyyəti haqqında qanunun 5-ci maddəsinin 5-ci hissəsinə əsasən, vəkil fərdi fəaliyyət göstərmək hüququna malikdir.
Sadıqov hüquqlarının bərpa edilməsinə nail olmaq niyyətindədir.
Sadıqov hüquq müdafiə sahəsində ixtisaslaşır. O, bir çox siyasi məhbusların, o cümlədən məşhur siyasətçilərin, jurnalistlərin, bloger və hüquq müdafiəçilərinin vəkili olub və hal-hazırda da bəzi siyasi məhbusları müdafiə edir. -06В-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz