Açiq mənbələrdən foto.
Bakı/26.09.20/Turan: Dünən axşam saatlarında Yerevan məhkəməsi “Çiçəklənən Ermənistan” partiyasının lideri, ölkənin ən zəngin insanı Qagik Tsarukyanı həbs edib.
O, böyük ölçüdə vergilərdən yayınmaqda, fırıldaqçılıqda və digər cinayətlərdə ittiham olunub. O, uzunmüddətli həbs cəzasına məhkum oluna bilər.
Maraqlıdır ki, Tsarukyan Nikol Paşinyanın hakimiyyətə gəlişini dəstəkləyənlərdən biri olub, amma sonradan onlar arasında kəskin fikir ayrılıqları yaranıb.
İş o yerə çatıb ki, Tsarukyan açıq-aşkar Paşinyanı istefaya çağırıb, əks halda Ermənistanı fəlakət gözlədiyini qeyd edib.
Daha sonra Tsarukyan daşnaklar və keçmiş təhlükəsizlik naziri Vanetsyanla ittifaq qurub və oktyabrın 8-də Paşinyan hökumətinin istefası tələbi ilə üç partiyanın birgə mitinqi keçiriləcəyini bəyan edib.
Beləliklə, parlamentin üç siyasi fraksiyasından ikisi hələlik çoxluğa malik olan və qanunverici orqan üzərində nəzarəti əlində saxlayan hökumətə müxalif olub.
Göründüyü qədər, payızda Ermənistanda vəziyyətin gərginləşəcəyi haqqında proqnozlar özünü doğrultmağa başlayır. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz