![Emin Huseynov](https://turan.az/resized/media/2019/main/011900016261-750-500-resize.webp)
Emin Huseynov
Emin Hüseynov: �Mehman aclığı davam etdirir�
Bakı/19.01.19/Turan: Bloger Mehman Hüseynovun qardaşı, xaricdə siyasi mühacirətdə olan Reportyorların Təhlükəsizlik və Azadlıq İnstitutunun (RATİ) direktoru Emin Hüseynov bildirib ki, son 10 gündə ilk dəfə yanvarın 18-də vəkillər Mehmana baş çəkiblər. Onlar deyiblər ki, Mehman ancaq maye süd məhsulları qəbul edir. O, üzgün durumda olub. Onun sanitar hissəyə köçürülməsilə bağlı tələbi yerinə yetirilməyib.
Dekabrın 29-dan Mehmanı müayinə edən və yanvarın 11-də Avropa İttifaqı nümayəndə heyəti üzvlərinin ona baş çəkməsi ərəfəsində səhhətinin ağır olması barədə rəy verən həkim kənarlaşdırılıb və bu görüşdə başqa həkim iştirak edib.
Mehman ona təzyiq göstərilməsindən şikayət edib, o, aclığı dayandırmayıb və onun adından yayılan bütün bəyanatları təkzib edib. O deyib ki, sanitar hissəyə və ya karserə köçürülməsini istəyib. Çünki kamerada başqaları yemək yeyir və yemək qoxusundan onun halı daha da pis olur.
Bloger xahiş edib ki, yanına heç kim gəlməsin və onunla foto çəkdirməsin. Xarici diplomatlar gəlmək istəsələr, o zaman xarici həkimlərlə birlikdə gəlsinlər. O, yeni yerli həkimə etibar etmir, E.Hüseynov bildirib.
Öz tərəfindən RATİ tərəfdaş beynəlxalq təşkilatlar ilə birlikdə Avropa Komissiyasının rəhbəri Jan Klod Yunkerdən və xarici əlaqələr üzrə ali nümayəndə Federika Mogerinidən daxili araşdırmanın aparılmasını xahiş etmək niyyətindədir. Çünki Mehmanın aclığı dayandırması ilə bağlı Avropa Parlamentinə dezinformasiya ötürülür.
Emin Hüseynov Avropa İttfaqı nümayəndə heyətinin Mehmanın həkim nəzarətində olmasını qeyd etməsindən təəccübləndiyini bildirib. Halbuki, Mehmanı sanitar hissəyə köçürməyiblər, digər məhbuslardan təcrid etməyiblər, onun vəziyyətinin ağır olması barədə rəy vermiş həkimi isə kənarlaşdırıblar. --0-
-
- Foto sessiyalar
- 19 Yanvar 2019 21:32
-
- Siyasət
- 20 Yanvar 2019 01:19
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz