Bakı/09.06.17/Turan: Azərbaycanın energetika naziri Natiq Əliyev iyunun 9-da İstanbul klinikasında dünyasını dəyişib. Türkiyə KİV-lərinin məlumatına görə, Əliyev ötən həftənin sonunda həddindən artıq ağır vəziyyətdə İstanbula gətirilib.
Tibbi mənbələrdən Turan-a verilən məlumata görə, bir müddət əvvəl Almaniyada onun ürəyinə beş stent qoyulub.
Sonuncu dəfə vəziyyətinin ağırlaşmasına nəyin səbəb olduğu məlum deyil, amma 70 yaşlı Əliyev şəkərli diabet xəstəliyindən də əziyyət çəkirdi.
Elə həmin mənbələrin məlumatına görə, nazir ilk olaraq Neftçilər Xəstəxanasına yerləşdirildikdə onun vəziyyəti, demək olar ki, ümidsiz idi.
Azərbaycan Səhiyyə Nazirliyinin mətbuat xidməti nazirin vəfat etməsi ilə bağlı məlumatı şərh etmir. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz