Ərəstun Baxşəliyev 30 günlük həbs olunub (yenilənib)
Bakı/30.05.18/Turan: REAL Partiyasının fəalı Ərəstun Baxşəliyev inzibati qaydada 30 günlük həbs olunub. O, polisə tabe olmamaqda ittiham olunub. Bu barədə Turan-a REAL-ın məclis üzvü Natiq Cəfərli bildirib.
Onun sözlərinə görə, mayın 31-də daha 7 fəal polis şöbələrinə çağırılıb.
Mayın 28-də Bakının mərkəzində yürüşdən sonra artıq 4 REAL fəalı inzibati qaydada həbs edilib. -0-
* * *
2018 May 30 (Çərşənbə) 18:15:27
REAL-ın daha bir fəalı həbs edilib (YENİLƏNİB)
Bakı/30.05.18/Turan: Nizami rayon Məhkəməsi REAL Partiyasının fəalı Nəriman Mücahid İsmayılı İnzibati Xətalar Məcəlləsinin 535.1 maddəsi ilə (Polisin qanuni tələbinə tabe olmamaq) 30 sutka inzibati həbsə məhkum edib. Bu barədə "Amerikanın Səsi"nə REAL Partiyasının Məclis üzvü Natiq Cəfərli bildirib.
Bununla da REAL Partiyasının tərəfdarlarının mayın 28-də Bakıda İstiqlaliyyət küçəsində Azərbaycan Xalq Cümhuriyyətinin 100 illik yubileyi ilə bağlı keçirdikləri bayram nümayişindən sonra 3 fəalı həbs edilib.
Cəfərlinin sözlərinə görə, hazırda Yasamal rayon Məhkəməsində REAL Partiyasının daha bir fəalı (4-cü fəalı) Ərəstun Baxşəliyevin eyni ittihamla işinə baxılır.
"Bunlardan əlavə, REAL-ın daha 4 fəalı sahə müvəkkiləri tərəfindən polisə dəvət edilib", deyə o qeyd edib. -03B-
* * *
2018 May 30 (Çərşənbə) 15:52:05
REAL fəallarına qarşı həbs dalğası başlayıb
Bakı/30.05.18/Turan: Mayın 30-da REAL Partiyasının fəalı Elmir Həmzə məhkəmənin qərarı ilə polisin qanuni tələbinə tabe olmamaq ittihamı ilə 25 sutka həbsə məhkum edilib. Bu barədə Turan-a REAL Partiyasının Məclis üzvü Natiq Cəfərli bildirib.
Partiyanın daha bir fəalı Ərəstun Baxşəliyev hazırda Yasamal Rayon Polis İdarəsinin 26-cı polis bölməsinə aparılıb. Pattiyanın daha iki fəalı da polisə çağırılıb.
REAL Partiyasının Məclis üzvü Azər Qasımlı mayın 29-da polisin qanuni tələbinə tabe olmamaq ittihamı ilə Yasamal Rayon Məhkəməsi tərəfindən 30 sutka inzibati qaydada həbs edilib.
Fəalların həbsi REAL Partiyası fəallarının mayın 28-də Azərbaycan Xalq Cümhuriyyətinin 100 illik yubileyi ilə bağlı istiqlaliyyət küçəsindəki abidənin önündə nümayiş keçirdikdən sonraya təsadüf edir. .-03B-
Cəmiyyət
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
Rəy yaz