arxiv
Bakı/22.03.23/Turan: Martın 21-də itmiş erməni hərbçi tapılıb, çərşənbə axşamı Ermənistan Müdafiə Nazirliyi bildirib.
"Martın 21-də avtomobillə döyüş mövqeyinə ərzaq məhsulları apararkən yolu azan hərbçi martın 22-də axtarış-xilasetmə işləri nəticəsində tapılıb. Hərbi qulluqçunun həyatı üçün heç bir təhlükə yoxdur", - hərbi idarənin məlumatında deyilir.
Dünən Ermənistan Müdafiə Nazirliyi itmiş hərbçinin Azərbaycan ərazisində olduğunu iddia edirdi.
Lakin Azərbaycan Müdafiə Nazirliyi bu məlumatı təkzib etmişdi. 06B
* * *
2023 Mart 21 (Çərşənbə axşamı) 20:27:18
Erməni hərbçi Azərbaycanla sərhəddə itib
Bakı/21.03.23/Turan: Erməni hərbçi duman səbəbindən azıb və Azərbaycan tərəfinə keçib, Ermənistan Müdafiə Nazirliyi bildirib.
Bu gün saat 12:20-yə yaxın Ermənistan Silahlı Qüvvələrinin hərbi qulluqçusu məhsulların ermənilərin mövqelərinə daşınması zamanı Azərbaycan qüvvələrinin nəzarəti altında olan əraziyə keçib, Ermənistan Müdafiə Nazirliyi bildirib.
İlkin məlumatlara görə, erməni hərbçi duman və pis görüntü səbəbindən azıb. "Axtarış işlərinə başlanılıb, hərbi qulluqçunun geri qaytarılması üçün tədbirlər görülür", - "Kavkazskiy uzel”in müxbirinin tərcümə etdiyi məlumatda deyilir.
Azərbaycan Müdafiə Nazirliyi erməni hərbçini saxlamadığını bildirib.
"Martın 21-də Ermənistan Silahlı Qüvvələrinin hərbi qulluqçusunun nəqliyyat vasitəsində Azərbaycan ordusunun bölmələrinin mövqelərinə yaxınlaşması və bizim bölmələrimiz tərəfindən əsir götürülməsilə bağlı Ermənistan Müdafiə Nazirliyinin yaydığı məlumat həqiqətəuyğun deyil",- Müdafiə Nazirliyinin mətbuat xidmətindən "Kavkazskiy uzel”in müxbirinə daxil olan məlumatda deyilir. -0—
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz