![İlham Əliyev və Nikol Paşinyan - arxiv](https://turan.az/resized/media/2023/main/072500064713-750-500-resize.webp)
İlham Əliyev və Nikol Paşinyan - arxiv
"Ermənistanla Azərbaycan Qərblə Rusiya arasında qalıb"
İyulun 25-də Moskvada Rusiya, Azərbaycan və Ermənistan xarici işlər nazirlərinin görüşü keçiriləcək.
Bu barədə Rusiya Xarici İşlər Nazirliyi açıqlama yayıb.
Açıqlamaya görə, onlar Qarabağ ətrafındakı vəziyyətin de-eskalasiyası, Rusiya, Azərbaycan və Ermənistan liderlərinin (9 noyabr 2020, 11 , 26 noyabr 2021 və 31 oktyabr 2022-ci il tarixli) üçtərəfli razılaşmalarının icrasının intensivləşdirilməsi yollarını müzakirə edəcəklər.
Son illər Azərbaycanla Ermənistan müəyyən fasilələrlə həm Rusiya, həm də Avropa İttifaqının (Aİ) vasitəçiliyi ilə sülh danışıqları aparır. Bundan 10 gün öncə, iyulun 15-də Brüsseldə Azərbaycan Prezidenti İlham Əliyevin Avropa İttifaqı Şurasının Prezidenti Şarl Mişel və Ermənistan baş naziri Nikol Paşinyan ilə növbəti üçtərəfli görüşü olmuşdu. Ondan az öncə isə Rusiya Azərbaycan və Etmənistan xarici işlər nazirlərini Moskvaya dəvət etmişdi. Onda bəzi yerli ekspertlər bunu Bakı və Yerevana təzyiq cəhdi kimi dəyərləndirmişdilər.
Azərbaycan Milli Məclisin Beynəlxalq münasibətlər və parkamentlərarası əlaqələr komitəsinin üzvü Rasim Müsabəyov Turana bildirib ki, istənilən danışıqları pozitiv dəyərləndirmək lazımdır: “Nə vaxta qədər ki, razılaşma əldə olunmayıb, danışıqlar getməlidir. Diplomatların işi ondan ibarətdir ki, axıra kimi danışıqlar yolu ilə hansısa bir nəticəyə nail olsunlar”.
Bununla belə deputat Moskva görüşünün hansısa nəticə verəcəyini düşünmədiyini qeyd edib: “Ancaq hər bir halda müəyyən mənada hansısa irəliləyiş əldə olunsa, bunu alqışlamaq lazımdır. Bu məsələyə elə yanaşmaq lazım deyil ki, Moskvadırsa orada nəticə əldə olunmayacaq”.
Rusiyanın hər iki tərəfə təzyiq etmək niyyəti ilə bağlı fikirə gəldikdə isə R.Müsabəyov deyib ki, bu mümkün deyil: “Rusiya indi özü elə vəziyyətdədir ki, nəyinki Azərbaycana, heç Ermənistana belə təzyiq etmək iqtidarında deyil”.
Siyasi Menecment İnstitutunun rəhbəri Azər Qasımlı isə AzadlıqRadiosuna bildirib ki, Qərblə Rusiya arasında kommunikasiya yoxdur və bu həmin məsələdə əsas problemdir: “Beləliklə Ermənistanla Azərbaycan Qərblə Rusiya arasında qalıb. Kommunikasiya olmadığına və maraqların üst-üstə düşmədiyinə görə iki fərqli platforma yaranıb. Moskvaya gələndə orada fərqli şeyləri danışırlar, Vaşinqtona və ya Brüsselə gedəndə isə fərqli şeyləri”.
Politoloqun fikrincə İstər Ermənistan, istərsə də Azərbaycan tərəfi bu iki platforma arasında oynamağa çalışır: "Çünki Qərb və Rusiya platformaların arasında qalıblar və öz maraqlarına uyğun davranırlar”.
Ekspertin sözlərinə görə, bu vəziyyət Qərbin və ya Rusiyanın qalib gəlməsinə qədər davam edəcək: “Rusiya Ukraynada məğlub olub, Cənubi Qafqazdan getməyə məcbur olacaqsa, Paşinyan da İlham Əliyev də təbii ki, Brüssel və Vaşinqton platformasına sarılacaqlar. Rusiya qalib gələcəksə təbii ki, daha çox Rusiyaya sarılmağa məcbur olacaqlar”.
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Azərbaycanda deputat olmaq həvəsi... - Anar Əsədli Çətin sualda
Xəbər lenti
-
- Böyük Şərq,
- 18:34
- 189
-
- Cəmiyyət,
- 16:20
- 296
-
- Cəmiyyət,
- 13:23
- 300
Rəy yaz