Açiq mənbələrdən foto.
Bakı/20.06.20/Turan: Şənbə günü Operativ Qərargahın brifinqində Vətəndaşlara Xidmət və Sosial İnnovasiyalar üzrə Dövlət Agentliyinin rəhbəri Ülvi Mehdiyev təsdiq edib ki, zərurət olarsa, vətəndaşlar bir gündə iki SMS-lə evdən çıxa biləcək. Bir SMS-lə həkimə, digər SMS-lə isə məişət işləri üçün çıxmaq olar. Yəni 8103 nömrəsinə vəziyyətdən asılı olaraq 1 və 2 rəqəmlərni göndərmək lazımdır. "Amma bundan sui-istifadə etmək lazım deyil. Bütün SMS-lər təhlil ediləcək və qaydaları pozanlar haqqında məlumat hüquq-mühafizə orqanlarına göndəriləcək", deyə Mehdiyev bildirib.
Brifinq iştirakçıları həmçinin keçən həftə karantin rejiminin sərtləşdirilməsinin istənilən nəticəni vermədiyini və ölkədə xəstəliyə yoluxanların və ölənlərin sayının artdığını bildiriblər. Bu günə qədər ölkədə 143 nəfər koronavirusdan dünyasını dəyişib. -0-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz