Bakıda məcburi köçkünlərin etirazı. Foto arxiv
Evləri sökülən qaçqınlar Türkiyə səfirliyinin qarşısına yığışıb
Bakı/02.04.18/Turan: Bu gün, aprelin 2-də bir qrup məcburi köçkün Türkiyənin Azərbaycandakı səfirliyinin qarşısına toplaşıb.
Turan-ın xəbərinə görə, əslən Agdam rayonundan olan qaçqın və məcburi köçkünlər Türkiyədən sığınacaq istəmək üçün səfirliyə gəliblər.
Narazı qaçqın və məcburi köçkünlər üzləşdikləri ev problemi səbəbindən Türkiyəyə sığınmağa qərar veriblər. Onlar Turan-a deyiblər ki, hələ ötən ilin payızında sığındıqları bina sökülüb.
"Qaçqınlıq başlayandan Binəqədidəki Babaşov küçəsindəki binaya yerləşmişdik. Bina qəza vəziyyətində idi. Onu noyabrda sökdülər, qaldıq çöldə. Nə ev verdilər, nə də kompensasiya ödədilər. İndi qalmışıq qohumların ümidinə, qapısını üzümüzə açanqohumlara sığınmışıq. Bu bir gün olar, iki gün olar, nə axta qədər qohumlara sığınasıyıq?", narazı qaçqın və məcburi köçkünlər bildiriblər.
Onların deməsinə görə, dəfərlərlə "Qaçqınkım"a müraciət ediblər. Ancaq indiyədək problemləri çözülməyib.
Qaçqın və məcburi köçkünlər səfirlikdən gərəkli cavab ala bilməyiblər. Onlar deyir ki, səfirliyin qarşısına toplaşmaqla əlaqəli qurumların diqqətini problemlərinə yönəldəcəklərini güman edirlər.
Onlar aprelin 5-də yenidən səfirliyin qarşısına toplaşacaqlarını bildiriblər.
Binəqədi rayonundakı Babaşov küçəsindəki qaçqın və məcburi köçkünlərin yaşadığı binanın sökülməsi, sakinlərin yerləşdirilməsi ilə bağlı suallara həmin rayonun icra hakimiyyətindən cavab verməyiblər. İH-dən "Qaçqınkom"a müraciət etməyi məsləhət görüblər.
"Qaçqınkom"dan hələlik məsələyə münasibət almaq mümkün olmayıb.--0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz