Faiq Əmirovun səhhəti kəskin şəkildə pisləşib
Bakı/18.06.17/Turan: Kürdəxanı istintaq təcridxanasında "Azadlıq" qəzetinin maliyyə direktoru və Azərbaycan Xalq Cəbhəsi Partiyası sədrinin köməkçisi Faiq Əmirovun səhhəti kəskin şəkildə pisləşib.
Onun həyat yoldaşı Lalə Əmirlinin Turan-a verdiyi məlumata görə, mədə xorası xəstəliyindən əziyyət çəkən Əmirov hər yeməkdən sonra qaytarır. Öd kisəsi xəstəliyi də kəskinləşib.
İstintaq təcridxanası şəraitində müalicə səmərəsizdir. Çünki Əmirovun pəhrizli qidaya, isti sulu yeməklər yeməyə ehtiyacı var. Amma istintaq təcridxanasında onu hər gün bununla təmin etməyə imkan yoxdur.
Müdafiə tərəfi dəfələrlə istintaq orqanı və məhkəmə qarşısında təqsirləndirilən şəxsin səhhəti ilə əlaqədar ev dustaqlığına buraxılması haqqında vəsatət qaldırıb. Amma vəsatətlərin heç biri təmin edilməyib.
Əmirov 2016-cı il avqustun 20-də saxlanılıb və CM-in 168.1 (dini ayinlərin icrası bəhanəsi ilə vətəndaşların hüquqlarına qəsd etmək) və 283.2.2-ci (KİV-də dini və milli ədavət salmaq) maddələri ilə ittiham olunub.
2017-ci il aprelin 17-də ona qarşı 231.1 (vergi ödənişindən yayınma) və 308-ci (vəzifə səlahiyyətlərindən sui-istifadə) maddələrlə yeni ittihamlar irəli sürülüb.
Amma ibtidai istintaqın yekunlarına görə 168.1 və 308-ci maddələrlə ittiham ləğv edilib.
Hazırda işə məhkəmədə baxılır.
Əmirov hüquq müdafiəçiləri tərəfindən siyasi məhbus kimi tanınıb.
"Sərhədsiz Reportyorlar" beynəlxalq jurnalistləri müdafiə təşkilatı Əmirovun həbsini pisləyib və "əsassız ittihamları" ləğv etməyə çağırıb. -06D-
-
- Foto sessiyalar
- 18 İyun 2017 15:22
-
- Siyasət
- 19 İyun 2017 07:59
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz