Fatimə Mövlamlı
Bakı/27.06.23/Turan: Jurnalist Fatimə Mövlamlı vəkili Zibeydə Sadıqova vasitəsilə iyunun 16-da Milli Məclisin binası qarşısında keçirilən etiraz aksiyası zamanı maşını onun üstünə sürən polis əməkdaşının cəzalandırılması tələbi ilə DİN-ə və Səbail Rayon Prokurorluğuna müraciət edib.
O qeyd edib ki, onun peşə fəaliyyətinə mane olduğuna, sağlamlığına ziyan vurduğuna görə polis əməkdaşının cinayət məsuliyyətinə cəlb edilməsinə nail olmaq niyyətindədir.
Jurnalistin sözlərinə görə, maşın vurması nəticəsində onun sol ayağının dabanı zədələnib, rentgen müayinəsinin və maqnit-rezonans tomoqrafiyasının nəticələri bunu təsdiq edir.
Hadisə nəticəsində qız müvəqqəti olaraq iş qabiliyyətini itirib.
"Güclü ağrılar keçsə də, ayağında hələ də şiş qalıb. Həkimlər iki həftə ərzində hərəkətli həyat tərzindən çəkinməyi tövsiyə ediblər", deyə Mövlamlı bildirib.
Amma DİN maşının jurnalisti qəsdən vurmasını inkar edir.
"Toplum TV-nin əməkdaşı Fatimə Mövlamlıya qarşı qanunsuz aksiyada guya ona qəsd edilməsi iddiaları əsassızdır, həqiqəti əks etdirmir", deyə DİN bildirib.
"Bütün iddialar araşdırılıb, ərazidəki müşahidə kameralarına baxılıb. Araşdırmalarla məlum olub ki, F.Mövlamlı diqqətsizlikdən qəflətən hərəkət edən avtomobilin yoluna çıxıb. Aparılan tibbi rengten müayinələrində onun ayağında hər hansı fəsad – sınıq-çıxıq müəyyən edilməyib. Hadisədən sonra əlaqə saxlanılıb, onun vəziyyəti ilə maraqlanmışıq. Təəssüf edirik ki, belə xoşagəlməz hadisə baş verib", deyə DİN-in mətbuat xidmətinin şərhində qeyd edilirdi. 06B
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz