Bakı/23.10.19/Turan: Xətai rayon məhkəməsində hakim Cavid Hüseynin sədrliyi ilə psixoloq Nərmin Şahmarzadəyə qarşı iddia üzrə proses yekunlaşıb.
Məhkəmə onu CM-in 148-ci (təhqir) maddəsi ilə təqsirli bilərək, 147-ci (böhtan) maddəsi ilə isə ona bəraət verərək, 400 saatlıq ictimai işlərə məhkum edib.
Xatırladaq ki, ötən il dekabrın sonlarında Şahmarzadə sosial şəbəkələrdə milli qəhrəman Mübariz İbrahimov haqqında yazı dərc edib. O, onun qəhrəmanlığını şübhə altına qoyub. Bundan sonra İbrahimovun anası xüsusi ittiham qaydasında iddia qaldırıb.
Mübariz İbrahimov 2010-cu il iyunun 18-də Tərtər istiqamətində cəbhə xəttində 4 erməni hərbiçisini öldürərək və bir neçə hərbiçini yaralayaraq, həlak olub.
Şahmarzadə bugünki prosesdə bildirib ki, İbrahimovun xatirəsini təhqir etməyib . O, həmçinin qeyd edib ki, Qarabağ münaqişəsinin dinc yolla həllini istəyir və heç kimin ölməsini istəmir.
Onun vəkili öz növbəsində bildirib ki, Şahmarzadənin yazısında təhqir deyil, sadəcə tənqid var idi. Vəkil məhkəmədən Şahmarzadəyə bəraət verməsini xahiş edib. -03D-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz