![Açiq mənbələrdən foto.](https://turan.az/resized/media/2022/main/051400045062-750-500-resize.webp)
Açiq mənbələrdən foto.
Fəallara və jurnalistlərə qarşı zorakılığa qarşı etiraz aksiyası baş tutdu/YENİLƏNİB/
Bakı/14.05.22/Turan: Polisin aksiyanı dayandırmaq cəhdləri müvəqqəti nəticə verib. Onlarla iştirakçını bir müddət bloklayandan sonra polis onlara hərəkətə davam etməyə və mitinqi tamamlamağa icazə verib.
"Mafiya gücünə yox!", "Zorakılığa yox!" şüarları səsləndirərək, fəallar hərəkətə davam edərək Daxili İşlər Nazirliyinin binasına yaxın çıxıb, aksiyanın qətnaməsini oxuyublar.
“Bu cür cinayətlərə son qoyulmasa, ölkədə siyasi qətllər yenidən başlayacaq. Biz hakimiyyətdən zorakılığa son qoymasını, jurnalistlərə və ictimai fəallara qarşı hücumlara görə məsuliyyət daşıyanların araşdırılmasını və məsuliyyətə cəlb olunmasnı tələb edirik”, – qətnamədə deyilir. -02B-
* * *
2022 May 14 (Şəmbə) 15:40:58
Polis fəallara və jurnalistlərə hücumlara etiraz aksiyasının qarşısını alıb
Bakı/14.05.22/Turan: Bu gün fəallara və jurnalistlərə hücumlara etiraz aksiyasının təşkilatçılarının əksəriyyəti aksiya başlamadan öncə polis tərəfindən saxlanılıb.
Belə ki, Bəxtiyar Hacıyev, Alı Əlizadə, Fuad Əhmədli, Əziz Məmiyev evdən çıxarkən saat 14:00-da (aksiya başlamadan bir saat öncə) saxlanılıblar.
Lakin Rüfət Səfərov saxlanılmayıb və aksiya iştirakçılarının arasında olub. Sonra Bəxtiyar Hacıyev aksiya iştirakçılarına qoşulub. Bununla belə, yürüş- aksiya baş tutub. Onlarla fəal çoxsaylı polis və jurnalistin müşayiətilə Fəvvarələr Meydanından Daxili İşlər Nazirliyinin binasına tərəf irəliləyib. Ancaq binaya 100 metr qalmış polis iştirakçıları ayırmağa başlayıb və onların hərəkəti davam etdirməsinə maneəçilik törədib.–03B06-
-
- Siyasət
- 14 May 2022 22:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz