Огтай Гюльлыев
Bakı/16.04.18/Turan: Bazar ertəsi axşam hüquq müdafiəçisi Oqtay Gülalıyev DİN-in İnsan Alverinə qarşı Mübarizə İdarəsinə çağırılıb. O, facebook-da yazıb ki, onu hansısa cinayət işinə görə çağırıblar.
Bu gün Xalq Cəbhəsi Partiyasının Gənclər Komitəsinin sədri Emil Səlimov da həmin idarəyə çağırıldığını bildirib. O, idarəyə vəkili ilə birlikdə gedəcəyini qeyd edib və siyasi fəaliyyəti ilə əlaqədar ona qarşı hər hansı işin saxtalaşdırıla biləcəyini istisna etməyib.
Qeyd edək ki, şənbə günü fəal Fatimə Mövlanlının martın 31-də oğurlandığını və beş gün DİN-in Mütəşəkkil Cinayətkarlığa qarşı Mübarizə İdarəsində saxlanıldığı barədə bəyanat erdikdən sonra fəalların polisə çağırılması başlayıb.
Mövlanlı ondan AXCP-nin gənc fəallarına qarşı ifadə almağa çalışdıqlarını bildirib və onların arasında Səlimovun da adını çəkib.
Gülalıyev bir müddət əvvəl Mövlanlı ilə görüşü və onun yoxa çıxmasının hal və şərtləri ilə maraqlanıb.
Bazar ertəsi saat 18.20-yə olan məlumata görə, Gülalıyev və Səlumov hələ dindirmədən qayıtmayıb. -06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz