Açiq mənbələrdən foto.
Bakı/27.09.22/Turan: Sentyabrın 27-də feminist fəallar İranda qadın hərkatına dəstək məqsədi ilə bu ölkənin Bakıdakı səfirliyinin binasının qarşısında etiraz aksiyası keçirib. Aksiya iştirakçıları "Qadınlardan əlini çək!", "Rədd olsun əxlaq gözətçiləri”" sözləri yazılmış köynəklər geyinib. Etrazçılar əllərində tutduqları qara əmmaməni yandırmağa cəhd edib, bu zaman polis əməkdaşları buna imkan verməyib.
Aksiya iştirakçılarının sözlərinə görə, İranda qadınlar öz azadlıqları uğrunda mübarizə aparır.
"Onların azadlığını Xamneyi və onun tərəfdarları məhdudlaşdırmağa çalışır. Bir qadın hicabı düzgün taxmadığına görə polislər tərəfindən döyülərək öldürülüb. Bu, qadınların etirazına səbəb olub və etiraz edən çoxsaylı insan öldürülüb."
Fəallar qeyd edib ki, səfirliyin qarşısında Xamneyinin əmmaməsini simvolizə edən qara əmmaməni yandırmağa gəliblər.
"Bu, bizim İran hakimiyyətinə olan mesajımızdır. Əmmamə qadınların azadlığını boğa bilməz. İranda qadınlar azadlığını alacaq."
Aksiya insidentsiz başa çatıb, saxlanılan olmayıb.
Məsələ ilə bağlı İranın Azərbaycandakı səfirliyindən münasibət öyrənmək mümkün olmayıb.-0-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz