FOTO TURAN
Bakı/08.03.22/Turan: Martın 8-də Bakının mərkəzində "8 Marş - Susa Bilmirik" adlı yürüş keçirilib.
Yürüş iştirakçılarının sözlərinə görə, onlar Azərbaycanda baş verən çoxsaylı qadın qətllərinə, qadın intiharlarına, gender əsaslı ayrı-seçkiliyə, məişət zorakılığına, cinsi zorakılığa, azyaşlı evliliklərinə etiraz olaraq bu aksiyanı keçirilər.
Onlar plakatları qaldıraraq "Rədd olsun irtıca, yaşasın qadınlar", "Eşit evdən səsləri, vaxtında et həbsləri", "Barışdırma, araşdır", "Qadın qətlləri siyasidir" şuarları səsləndirərək, polisin müşayiəti ilə Natəvan heykəlinə qədər yürüş ediblər.
Daha sonra yürüşün bəyanatı səslədirilib. Bəyanatda aksiya iştirakçıları Azərbaycan hökümətindən qadınlara qarşı zorakılıq və qətllərin qarşısını almaq üçün effektiv tədbirlər həyata keçirilməsini, qadınlara qarşı baş verən cinayətlər qanunauyğun və ədalətli şəkildə araşdırılmasını və cinayətkarların məsuliyyətə cəlb olunmasını, İstanbul Konvensiyasının qəbul edilməsini, qadınların şəbəkələşməsi, birləşməsi və mübarizəsi üçün bütün maneələrin aradan qaldırılmasını tələb ediblər.
Aksiya zamanı saxlanılan olmayıb, lakin bəzi plakatlar polis tərəfindən aksiya iştirakçılarının əlindən alınaraq cırılıb. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz