Bakı/02.05.17/Turan: Kürdəxanıdakı 1 saylı Bakı İstintaq Təcridxanasında saxlanılan “Azadlıq” qəzetinin yayım direktoru Faiq Əmirliyə mayın 2-də yekun ittihamlar elan olunub. Bu haqda F.Əmirlinin vəkili Aqil Layıcov bildirib.
Vəkilin sözlərinə görə, F.Əmirliyə qarşı irəli sürülmüş vəzifədən sui-istifadə (CM-nin 308-ci maddəsi - red.) ittihamına xitam verilib: “Yekun olaraq, onun üzərində CM-in 213.1 (xeyli miqdarda vergidən yayınma) və 283.2.2-ci (qulluq mövqeyindən istifadə etməklə milli, irqi, sosial və ya dini nifrət, düşmənçiliyin salınması) maddələri ilə ittiham saxlanılıb.
A.Layıcov bildirir ki, F.Əmirli “Azadlıq” qəzetinin nəşr olunan nüsxələrinin sayını və gəlirini az göstərməklə vergidən yayınmaqda, həmçinin Fəthullah Gülən ideyalarının təbliğinə xidmət edən materialların mediada, o cümlədən “Azadlıq” qəzetində və saytında yaymaq niyyətində suçlanır. F.Əmirli “Hizmet hərəkatının imamı” kimi təqdim olunub: “Əvvəla, bu cür ittihamlar niyyətə görə verilə bilməz. Kim haradan bilə bilərdi ki, Faiq Əmirlinin hansı niyyəti olub? Guya, Faiq onun idarə etdiyi maşından tapıldığı iddia olunan disklərdəki materialları saytda yaymaq niyyətində olub. Sadəcə sözdür, heç bir sübut yoxdur. Ümumiyyətlə, Faiq Əmirliyə ittihamlar tamamilə absurddur”, vəkil Aqil Layıcov belə deyir.
Onun sözlərinə görə, F.Əmirlinin üzərində ağır cinayət hesab olunan yalnız CM-nin 308.2.2-ci maddəsi idi ki, o da götürüldü, qalan iki maddə isə az ağır cinayətlər kateqoriyasına aiddir.
F.Əmirli 2016-cı il avqustun 20-də saxlanılıb. O, əvvəlcə CM-in 168.1-ci (dini ayinlərin icrası adı altında vətəndaşların hüquqlarına qəsd etmə) və 283.2.2-ci (milli, irqi, sosial, dini nifrət və düşmənçiliyin salınması) maddələri ilə ittiham olunub. Aprelin 17-də ona yeni ittihamlar irəli sürülüb - Cinayət Məcəlləsinin 213.1-ci maddəsi (vergidən yayınma) və 308-ci maddəsi (vəzifə səlahiyyətindən sui-istifadə).
AXCP F.Əmirlinin həbsini siyasi sifariş sayır. F.Əmirlinin həbsindən sonra “Azadlıq” qəzetinin çapı dayanıb. Üstəlik, qəzetin bir sıra əməkdaşları prokurorluğa çağırılıb, ifadələri alınıb. -05B-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz