FHN Ticarət Mərkəzinin sahiblərini yanğın təhlükəsizliyi qaydalarına məhəl qoymamaqda ittiham edib
Bakı/26.03.19/Turan: "Diqlas" Ticarət Mərkəzində alışma ocağının söndürülməsi tədbirləri bu gün axşama qədər davam edib. Yanğın 2 hektara qədər sahəni əhatə edib. Bu barədə FHN yanğın xidmətinin qərargah rəisi Əkbər Novruzov jurnalistlərə bildirib.
Binanın 4 mərtəbəsində alov söndürüldükdən sonra zirzəmidə alovla mübarizə davam edib.
Ə.Novruzovun sözlərinə görə, belə güclü yanğına Ticarət Mərkəzinin sahiblərinin yanğın təhlükəsizliyi qaydalarına məhəl qoymaması səbəb olub.
"Ticarət Mərkəzinin mərtəbələrinin heç birində yanğın əleyhinə sistem olmayıb", - o qeyd edib.
Ticarət Mərkəzinin ətrafında yaranmış avtomobil tıxacı, həmçinin alovu söndürmək üçün su mənbəyinin olmaması yanğınsöndürənlərin işini çətinləşdirib. Suyu iki kilometr məsafədən daşımaq lazım gəlib.
Alışma səbəbinə gəlincə, onu hüquq-mühafizə orqanları araşdıracaqlar, FHN rəhbəri Kəmaləddin Heydərov bildirib. İlkin məlumata görə, yanğın çiçək mağazasında başlayıb.
Yanğının söndürülməsinə 100-dən çox yanğınsöndürən, 20-dən çox xüsusi texnika və üç vertolyot cəlb edilib.-02D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz