Fikrət Fərəməzoğlu
Bakı/14.06.17/Turan: Bu gün Bakı Ağır Cinayətlər Məhkəməsində Jam.az saytının baş redaktoru Fikrət Fərəməzoğlu (İbişbəyli) barəsində hökm oxunub.
Məhkəmə onu hədələmə yolu ilə pul tələb etməkdə təqsirli bilib və 7 il müddətinə azadlıqdan məhrum edib, azad edildikdən sonra iki il ərzində jurnalistika ilə məşğul olmasını qadağan edib.
Müdafiə tərəfi qərarla razı deyil və ondan şikayət vermək niyyətindədir.
Prokuror məhkəmədən Fərəməzoğlunun 8 il müddətinə azadlıqdan məhrum edilməsini xahiş etmişdi.
Fərəməzoğlu 2016-cı il iyunun 30-da DİN-in Mütəşəkkil Cinayətkarlığa qarşı Mübarizə İdarəsinin əməkdaşları tərəfindən həbs edilib. Polisin məlumatına görə, o, 3000 manat rüşvət alarkən cinayət başında yaxalanıb.
Jurnalist ittihamları təkzib edib və qanunsuz qumarxanalar haqqında nəşrlərinə görə təqib olunduğunu bildirib.
Yerli hüquq müdafiəçiləri onu siyasi məhbus kimi tanıyıb. -16D06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz