Şahvələd Çobanoğlu. Foto TURAN
Bakı/14.06.17/Turan: Məşhur publisist Şahvələd Çobanoğlunun Baş Prokurorluqda dindirilməsi 3 saat davam edib.
Dindirmədən sonra həmkarları ilə söhbətində Çobanoğlu deyib ki, onu AXCP sədr müavini Gözəl Bayramlının işi üzrə şahid qismində dindiriblər.
"Mən dindirmənin Əfqan Muxtarlının işi ilə bağlı olacağını güman edirdim, amma məlum oldu ki, Gözəl Bayramlının işi üzrə idi.
Məndən ifadəni açıqlamamaq barədə iltizam alıblar, amma bu işin özündə və mənim cavablarımda heç bir sirr yoxdur.
Yəni bu məsələ ilə bağlı düşündüyüm hər şeyi dedim, Gözəl Bayramlının hər hansı pozuntu törətdiyinə inanmıram. Bu, uydurma işdir.
Mənim fəaliyyətim, xaricə səfərlərim, xarici və yerli təşkilatlarla əlaqələrim, Demokratik Qüvvələrin Milli Şurasında fəaliyyətim haqqında bir çox suallar verilib.
Heç bir qanunsuz fəaliyyətim olmadığına görə bütün bu suallara cavablarım da qısa və konkret olub", deyə publisist bildirib.
Çobanoğlundan sonra jurnalist Sevinc Vaqifqızı prokurorun suallarını cavablandırır. -16D-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz