журналист Фикрет Гусейнли
Bakı/16.01.18/Turan: Kiyev Şəhər Apellyasiya Məhkəməsinin azərbaycanlı jurnalist, Niderland vətəndaşı Fikrət Hüseynlinin işi üzrə prokurorluğun protesti ilə bağlı yanvarın 16-da Kiyev vaxtı ilə saat 11.30-a təyin etdiyi məhkəmə iclası hələ baş tutmayıb. Bu barədə Turan-a hazırda məhkəmə binasında gözləyən Fikrət Hüseynli bildirib.
F.Hüseynli oktyabrın 14-də Kiyevdən Düsseldorfa gedərkən Borispol hava limanında Ukrayna Sərhəd Xidməti tərəfindən Azərbaycanın sorğusu ilə İnterpol-un "qırmızı bildirişlər" sisteminə daxil edilmiş axtarış əsasında saxlanılıb. O, Azərbaycan Cinayət Məcəlləsinin dələduzluq və sərhəddi qanunsuz keçmək maddələri ilə ittiham olunur.
Oktyabrın 18-də Ukraynanın Borispol Şəhər Məhkəməsi azərbaycanlı jurnalistə 18 sutka həbs verib.
F. Hüseynli ittihamları qəbul etmir, siyasi sifariş hesab edir.
Oktyabrın 27-də F.Hüseynlini Kiyevin Lukyanov Şəhər Məhkəməsi Ukrayna Ali Radasının deputatı Mikola Knyajitskinin və ictimai fəal Boris Zaxarovun zaminliyinə verib. F. Hüseynli məhkəmə zalından azadlığa buraxılıb. Məhkəmə dövlət ittihamçısının F.Hüseynlinin Azərbaycana ekstradisiya edilməsi ilə bağlı vəsatətini təmin etməyib.
Onun sözlərinə görə, Kiyev prokurorluğu jurnalistin zamində olması ilə bağlı məhkəmə qərarı ilə razılaşmır və protest verib.-03B-
Cəmiyyət
-
Oktyabrın 14-də Azərbaycan futbol yığması UEFA Millətlər Liqasının ev oyununda Slovakiya komandasına 1:3 hesabı ilə uduzub.
-
Tütün məmulatlarının, məişət tullantılarının ətraf mühitə atılmasına görə cərimənin məbləği artırılır. Bununla bağlı İnzibati Xətalar Məcəlləsinə dəyişikliklər Milli Məclisdə artıq birinci oxunuşda qəbul edilib. Hazırda məişət tullantılarının tutumlardan (urnalardan) kənar yerlərə atılmasına görə cərimə 50 manat təşkil edir. Dəyişikliyə əsasən, eyni əmələ görə fiziki şəxslər 300, vəzifəli şəxslər 1000, hüquqi şəxslər 4000 manat cərimə ediləcək.
-
Oktyabrın 15-də axşam paytaxtda və Abşeronda az yağıntı gözlənilir. Şimal -şərq küləyi cənub -şərq küləyinə keçəcək. Havanın temperaturu gecə müsbət 12 +16, gündüz müsbət 17 + 20 dərəcə olacaq. Rütubət gecə və gündüz 60-70 faiz olacaq.
-
İnnovasiya və sürət lideri "Bakcell" regionun ən böyük innovasiya sammiti olan “INMerge” İnnovasiya Sammitinin tərəfdaşıdır. Bu tərəfdaşlıq sayəsində "Bakcell" Azərbaycanda tətbiq etdiyi innovativ texnologiyaları və süni intellekt əsaslı həlləri təqdim edəcək.
Rəy yaz