Vidadi İsgəndərli
Bakı/17.06.22/Turan: İyunun 16-da axşam Fransanın Müluz şəhərində azərbaycanlı siyasi mühacir Vidadi İsgəndərliyə hücum olub. O, sosial şəbəkələrdə Azərbaycan hakimiyyətini kəskin tənqid etməsilə tanınır.
“Gecə ofisimə daxil olarkən bir neçə nəfər mənə hücum etdi. Ofisin pəncərəsini sındırdılar. Mənə elə gəldi ki, ərəb idilər. Əllərində silah və bıçaq vardı. Mənə hücum etdilər. Kürəyimdən bıçaqla vurdular. Əllərim kəsilib”, - İsgəndərli Facebook-da yazıb.
O, birbaşa efirə çəxaraq yaralarını göstərib, sonra polisə müraciət edib. İsgəndərlinin sözlərinə görə, hücum edənlərdən birini tanıyıb və hücumun arxasında Azərbaycan hakimiyyətinin dayandığını düşünür.
“Azərbaycan-Saata” İnternet- resursun redaktoru Qənimət Zahid bildirib ki, Fransa polisi faktla bağlı cinayət işi açıb.
“Hücum edənlər İsgəndərlinin mənzilinə atəş açıblar. Polis giliz tapıb. İsgəndərli özünümüdafiə məqsədilə bir neçə hücumçunu bıçaqla yaralayıb”, - Zahidov bildirib.
*Vidadi İsgəndərli Azərbaycanda inzibati və cinayət həbslərinə məruz qalıb. 2011-ci ildə 2010-cu ildə keçirilmiş parlament seçkilərində seçki komissiyalarının işinə müdaxilə ittihamı ilə 3,5 il müddətinə azadlıqdan məhrum edilmişdi.
İsgəndərli özü bildirib ki deputatlığa namizəd kimi təmsil etdiyi dairədə saxtakarlıqları ifşa edib. Həbs edildikdən sonra siyasi məhbus kimi tanınıb.
2015-ci ildə Fransaya mühacirət edib.—03B06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz